الماتى مەن استانا باعىتىنداعى ۇشاق رەيستەرىنىڭ كەستەسى وزگەرەدى

الماتى حالىقارالىق اۋەجايى ساپارلار كەستەسىندە وزگەرىستەر بولاتىنىن مالىمدەدى.

بۇل وزگەرىس استانا قالاسى اۋماعىندا اۋە كەڭىستىگىن پايدالانۋ بويىنشا ەنگىزىلەتىن  ۋاقىتشا شەكتەۋلەرگە بايلانىستى، دەپ حابارلايدى aqshamnews.kz. 

قازاقستان رەسپۋبليكاسى قورعانىس مينيسترلىگىنىڭ رەسمي اقپاراتىنا سايكەس، 2025 جىلعى 22 ءساۋىر مەن 7 مامىر ارالىعىندا ساعات 10:00-دەن 13:00-گە دەيىن اسكەري شەرۋگە دايىندىق جانە ونى وتكىزۋ ماقساتىندا استانا قالاسىنىڭ اۋە كەڭىستىگى ۋاقىتشا جابىلادى. وسىعان بايلانىستى الماتىدان استاناعا جانە كەرى باعىتتاعى ساپارلار كەستەسىندە ۋاقىتشا وزگەرىستەر بولادى.

– جولاۋشىلاردان اتالعان شەكتەۋلەردى ءوز ساپارلارىن جوسپارلاۋ بارىسىندا ەسكەرۋدى سۇرايمىز. رەيستەرى وزگەرگەن جولاۋشىلارعا اۋەكومپانيالار برونداۋ كەزىندە كورسەتىلگەن بايلانىس دەرەكتەرى ارقىلى قوسىمشا حابارلايدى، - دەپ اتاپ ءوتتى اۋەجايدىڭ باسپا ءسوز قىزمەتى.

ساپارلار تۋرالى وزەكتى اقپاراتتى اۋە كومپانيالار مەن اۋەجايدىڭ انىقتاما قىزمەتىنەن الدىن الا ناقتىلاۋعا بولادى. 

بايلانىس نومىرلەرى:

الماتى حالىقارالىق اۋەجايىنىڭ انىقتاما قىزمەتى:+7 (727) 270 33 33،+7 (727) 270 48 49 

Air Astana:+7 (727) 244 44 77،WhatsApp: +7 702 702 00 74

FlyArystan: +7 (727) 331 10 10،WhatsApp: +7 702 702 02 27

SCAT Airlines: +7 (7252) 99 88 80

Qazaq Air:+7 (727) 356 14 14

 https://kaz.inform.kz/news/askeri-sheruge-baylanisti-almati-men-astana-bagitindagi-ushak-reysternn-kestes-ozgered-4caebd/