الماتى اكىمىمەن كەزدەسۋلەردە ايتىلعان قالا تۇرعىندارىنىڭ پروبلەمالارى قالاي شەشىلۋدە
الماتى اكىمى ەربولات دوسايەۆ جەتىسۋ اۋدانىنىڭ تۇرعىندارىمەن كەزەكتى كەزدەسۋ وتكىزدى. قالا اكىمدىگىنىڭ باسپا ءسوز قىزمەتىندە 2023 جىلدىڭ قىركۇيەگىندە اۋدان تۇرعىندارىمەن كەزدەسۋدە مەگاپوليس باسشىسىنىڭ بەرگەن تاپسىرمالارىنىڭ ورىندالعانى تۋرالى ايتىلدى.
بۇرىنعى كەزدەسۋ كەزىندە تۇرعىندار جىلۋ جەلىلەرىن رەكونسترۋكسيالاۋدىڭ ۇزاققا سوزىلعانىن ايتقان ەدى. وتكەن جىلدىڭ قورىتىندىسى بويىنشا اينابۇلاق شاعىن اۋدانىندا ۇزىندىعى 2،2 كم جانە كازاكوۆ پەن برودسكيي كوشەلەرىندە ۇزىندىعى 1،1 كم جىلۋ جەلىلەرىن جوندەۋ اياقتالدى.
- اۋدان جۇرتشىلىعىنىڭ ءوتىنىشى بويىنشا مىنا باعىتتارداعى №38، 69، 47، 113، 125 اۆتوبۋستار جاڭاردى، بارلىعى 102 اۆتوبۋس. سونداي-اق، ۇزىندىعى 21،4 كم 17 كوشەدە ورتاشا جوندەۋ جانە كولەمى 30 مىڭ م2 جولدارعا اعىمداعى جوندەۋ جۇرگىزىلدى.
- كەزدەسۋ قورىتىندىسى بويىنشا ۇزىندىعى 2،7 كم 10 ۋچاسكەدە تروتۋارلار سالىندى، سولتۇستىك اينالما كوشەسى بويىنشا 2 باعدارشام ىسكە قوسىلدى، 5 جەرۇستى جانە 10 جەراستى جاياۋ جۇرگىنشىلەر وتكەلى جوندەلدى.
وتكەن جىلدىڭ قىركۇيەك ايىندا وتكەن كەزدەسۋدە اۋدان تۇرعىندارى گۇلزارلار مەن ساياباق ايماقتارىنداعى جاسىل جەلەكتەرگە كۇتىم جاساۋ، اتاپ ايتقاندا ۋاقتىلى سۋارۋ ماسەلەسىن كوتەرگەن بولاتىن. ناتيجەسىندە جانگەلدين جانە راتۋشنىي سكۆەرىندە، قۇلاگەر شاعىن اۋدانىنداعى ارباتتا، رايىمبەك داڭعىلىنىڭ ءبولۋ جولاعىندا اۆتوسۋارۋ سۋارۋ جۇيەسى سالىندى.
بۇدان باسقا، قالا اكىمىنىڭ تاپسىرماسى بويىنشا وتكەن جىلى №148 مەكتەتىڭ جانىنداعى 300 ورىندىق قوسىمشا كورپۋستىڭ جانە كەمەل ش/ا اۋىسىمىندا 200 ادام قابىلدايتىن وتباسىلىق-دارىگەرلىك امبۋلاتوريانىڭ قۇرىلىسى اياقتالدى.