ەلدەگى جەدەل جاردەم قىزمەتكەرلەرى ەندى ۆيدەوجەتونمەن جۇرەدى.
بولاشاقتا ۆيدەوجەتوندى ەمحاناداعى دارىگەرلەر مەن مەدبيكەلەر دە پايدالانادى، دەپ حابارلايدى aqshamnews.kz.
بۇل تۋرالى دەنساۋلىق ساقتاۋ ءمينيسترى اقمارال ءالنازاروۆا مالىمدەدى.
دەنساۋلىق ساقتاۋ مينيسترلىگى اقحالاتتىلاردىڭ قاۋىپسىزدىگى ءۇشىن مەديسينا قىزمەتكەرلەرىن ۆيدەوجەتون تاعىپ جۇرۋگە مىندەتتەمەك.
«ءبىز وسى نورماعا بىلتىر باستاماشى بولعان ەدىك. ال ەندى بيىل ءتيىستى بۇيرىقتارعا ەنگىزدىك. پيلوتتىق رەجيمدە الماتى مەن استانادا وبلىستىق جەدەل جاردەم ستانسيالارىنداعى مەديسينالىق قىزمەتكەرلەردىڭ ۆيدەوجەتون تاعۋى ماسەلەسىن پىسىقتادىق. بۇل مەديسينالىق قىزمەتكەرلەردى دە، كەيبىر بۇزاقىلاردى تارتىپكە ۇيرەتەدى»، - دەيدى ءالنازاروۆا ۇكىمەتتە وتكەن بريفينگتە.
ءمينيستردىڭ ايتۋىنشا، ءبىرىنشى كەزەڭدە ۆيدەوجەتونمەن جەدەل جاردەم قىزمەتكەرلەرى قامتىلسا، ەكىنشى كەزەڭدە ەمحانالارداعى دارىگەرلەر مەن مەدبيكەلەرگە دە ۆيدەوجەتون بەرۋ ماسەلەسى قاراستىرىلىپ جاتىر.
«مەنىڭ ويىمشا، مۇنى ىسكە اسىرۋ ءۇشىن بىزگە ءۇش اي ۋاقىت كەرەك. ال جەتونداردى ساتىپ الۋ جۇمىسى مەديسينالىق ۇيىمدار مەن اكىمدىكتەر تاراپىنان جۇزەگە اسادى»، - دەدى ول.