Tەو سUP XIV: كەزەكتى تۋرنير باستالۋ الدىندا
جاستاردىڭ ينتەللەكتۋالدى دامۋى الداعى ۋاقىتتاعى ەلدىڭ باسەكەگە قابىلەتتىلىگىن ارتتىرادى. ەلىمىزدىڭ ادام كاپيتالىن دامىتۋداعى باستى ۇستانىمدارى، قولعا العان باستامالارى دا جاستاردىڭ جاڭا ويلاپ، زاماناۋي بىلىمدەردى يگەرۋگە جول اشىپ كەلەدى. ال وسى باستامالاردى تەرەڭ يگەرۋ، ونى جاستاردىڭ ورتاسىندا كەڭىنەن تاراتۋدا پىكىرسايىس جوبالارى ايتارلىقتاي ۇلەس قوسىپ كەلە جاتىر.
ءقازىر ەلىمىزدەگى جاستاردىڭ ينتەللەكتۋالدى دامىندا جوعارى وقۋ ورىندارى مەن ءتۇرلى قوعامدىق بىرلەستىكتەر جاعىنان وتكىزىلەتىن پىكىرسايىس ويىندارىنىڭ ماڭىزى ايرىقشا. مۇنداي جوبالار جاستارىنىڭ سىني ويلاۋ قابىلەتىن دامىتىپ، كوشباسشىلىق قاسيەتتەرىن جەتىلدىرۋگە ايتارلىقتاي ىقپال ەتىپ كەلەدى. بۇنىمەن بىرگە وسىنداي جوبالار ارقىلى جاستار اراسىندا پىكىرسايىس مادەنيەتىن نىعايىپ كەلەدى.
Tەو سUP – جاستاردىڭ زياتكەرلىك الاڭى
جاستاردىڭ ينتەللەكتۋالدى دامۋىنا اسەر ەتىپ وتىرعان پىكىرسايىس جوبالارى از ەمەس. دەگەنمەن، رەسپۋبليكالىق دەڭگەيدە جاستاردىڭ زياتكەرلىك الاڭىنا اينالعان Tەو سUP ءتۋرنيرىن ايرىقشا اتاۋعا بولادى. بۇل تۋرنير بيىل ءوزىنىڭ ون ءتورتىنشى كەزەڭىن باستاۋ الدىندا تۇر.
نارحوز ۋنيۆەرسيتەتىندەگى بىلىكتى، العاباستار جاستاردىڭ باستاماسىمەن Tەو سUP XIV ءتۋرنيرى 5-6 ءساۋىر كۇندەرى وتپەك. وعان رەسپۋبليكانىڭ تۇكپىر- تۇكپىرىنەن 80 كوماندا، 40 تورەشى، 40 گيد جانە 1500-دەن استام قوناق قاتىسادى دەپ كۇتىلۋدە.
بۇل ءتۋرنيردىڭ باستى ەرەكشەلىگى بريتاندىق (بپف) ،امەريكالىق (اپف) جانە لينكولن - دۋگلاس (LD) فورماتتارىندا پىكىرسايىسقا تۇسەدى. ال كوتەرگەن نەگىزگى تاقىرىبى «Modern Kazakh» دەپ اتالادى. بۇل قازىرگى قازاقستانداعى الەۋمەتتىك وزگەرىستەر، ەكونوميكالىق دامۋ ، جاستاردىڭ ءرولى جانە ۇلتتىق بىرەگەيلىك ماسەلەلەرىن قامتيتىن وزەكتى تاقىرىپتار توڭىرەگىندە پىكىر الماسۋعا مۇمكىندىك بەرەدى دەپ سانايدى تۋرنير ۇيىمداستىرۋشىلار.
Tەو سUP XIV- بۇل پىكىرسايىسشىلار ءۇشىن عانا ەمەس، قوعامداعى بەلسەندى جاستاردىڭ دامۋىنا سەرپىن بەرەتىن بىرەگەي الاڭ. جوبا ەلىمىزدەگى پىكىرسايىس مادەنيەتىن نىعايتىپ قانا قويماي، جاڭا بۋىن كوشباسشىلارىن قالىپتاستىرۋعا زور ۇلەس قوسۋدا.
· تاقىرىپقا وراي:
ەراسىل مىرزالييەۆ، تۋرنير قاتىسۋشىسى جانە تورەشىسى:
اۋقىمى جىل سايىن كەڭەيىپ كەلەدى
2023-2024 جىلدارى مەن بۇل ءتۋرنيردىڭ باس تورەشىسى ءارى ۇيىمداستىرۋشىسى بولدىم. ءتۋرنيردى وتكىزۋ بارىسىندا تالاي قيىندىقتار مەن قىزىقتى ساتتەرگە تاپ بولدىق. بۇل جارىس جىل سايىن اۋقىمى كەڭەيىپ، جوعارى دەڭگەيدە وتەدى. 2024 جىلى دا ۇلكەن كولەمدە ۇيىمداستىرىلىپ، وعان ەربولات مۇحاممەدجانوۆ پەن باسقا دا تانىمال رەپەرلەر قاتىسىپ، ەرەكشە اتموسفەرا قالىپتاستىردى.
بيىلعى تۋرنيرگە دە ەربولات مۇحاممەدجانوۆ، ماقسات حالىق، رۋسلان جەلدىباي، ازامات سكاكوۆ سىندى قۇرمەتتى قوناقتار قاتىسادى. ءبىز جارىستى وتكىزۋ ءۇشىن جارتى جىل بۇرىن دايىندىق جۇمىستارىن باستاپ، دەمەۋشىلەر ىزدەپ، ولارمەن كەلىسسوزدەر جۇرگىزەمىز. بۇل كەزەڭدە كەيبىر قيىندىقتار كەزدەسكەنىمەن، ۇيىمداستىرۋ جۇمىستارى جۇيەلى تۇردە اتقارىلادى. قاتىسۋشىلارعا ايتارىم – ءاردايىم جوعارى دەڭگەيدە دايىندىقپەن كەلىڭىزدەر! ءبىز تۋرنير بارىسىندا كوپتەگەن جاڭا تاجىريبە جيناقتادىق. وسى شارانى ۇيىمداستىرۋعا قولداۋ كورسەتىپ جاتقان بارلىق سەرىكتەستەرىمە العىسىمدى بىلدىرەمىن.