وسى اپتادا قالامىزدا بولعان ماڭىزدى جاڭالىقتارعا شولۋ.
بيىل قالادا 87 مىڭنان استام جاڭا جۇمىس ورنى اشىلادى
بۇل تۋرالى حابارلاعان قالالىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ مالىمەتىنشە، 87 226 جاڭا جۇمىس ورنىنىڭ 84%-ى نەمەسە 73 293ء-ى تۇراقتى بولادى. جۇمىسپەن قامتۋ شارالارى 32 مىڭ ادامدى قامتيدى. ولاردىڭ ىشىندە 10،6 مىڭ ادام تۇراقتى جۇمىسقا ورنالاسادى، 8،7 مىڭ ادام سۋبسيديالاناتىن جۇمىس ورىندارىنا جىبەرىلەدى.
بوتانيكالىق باق جازعى ۋاقىتقا اۋىستى
الماتىنىڭ باس بوتانيكالىق باعى 1 ساۋىردەن باستاپ جازعى ۋاقىت كەستەسىنە كوشتى. رەسمي مالىمەتكە سايكەس، بوتانيكالىق ب ا ق كۇن سايىن 09:00-دەن 20:00-گە دەيىن جۇمىس ىستەيدى، كاسسا جۇمىسىنداعى تەحنيكالىق ءۇزىلىس: 15:00–15:30، ءار ايدىڭ ءبىرىنشى دۇيسەنبىسىندە سانيتارلىق كۇن وتەدى. ءبىراق، ەگەر بۇل كۇن تەحنيكالىق سەبەپتەرمەن نەمەسە مەرەكە كۇنىنە سايكەس كەلسە، سانيتارلىق كۇن كەيىنگە قالدىرىلۋى مۇمكىن.
اشىق اسپان استىنداعى مۇراجاي
ۇلى جەڭىستىڭ مەرەيتويىنا وراي الماتىدا جاۋىنگەرلىك تەحنيكالاردىڭ اشىق اسپان استىنداعى جاڭا مۇراجايى اشىلادى. ارميا ءۇيىنىڭ اۋماعىندا ورنالاساتىن مۇراجاي 28 گۆاردياشى-پانفيلوۆشىلار ساياباعىنداعى مەموريالدىق كەشەننىڭ ءبىر بولىگى. ق ر قورعانىس مينيسترلىگىنىڭ مالىمەتىنشە، كەڭەس وداعىنىڭ باتىرى گەنەرال-مايور يۆان پانفيلوۆتىڭ نەمەرەسى الۋا بايقاداموۆا باسقاراتىن ۇلتتىق اسكەري-پاتريوتتىق ورتالىق پەن جاۋىنگەرلىك داڭق مۇراجايىنىڭ فيليالى ورنالاسقان ارميا ۇيىندە دە قايتا قالپىنا كەلتىرۋ جۇمىستارى جۇرگىزىلىپ جاتىر. عيماراتتىڭ كونسەرتتىك جانە ءمارمار زالدارى، سونداي-اق جاۋىنگەرلىك داڭق مۇراجايى كۇردەلى جوندەۋدەن وتۋدە. وندا وفيسەرلەر كلۋبى مەن بالالارعا ارنالعان اسكەري-پاتريوتتىق فيلمدەر تۇسىرەتىن كينوپاۆيلون اشىلادى.
«...مال قالعانشا، تال قالسىن»
الماتىدا «تازا قازاقستان» رەسپۋبليكالىق باعدارلاماسى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا تۇرعىندار كوپقاباتتى ۇيلەردىڭ اۋلالارى مەن قوعامدىق كەڭىستىكتەردى كوگالداندىرۋ ءۇشىن جاپىراقتى اعاشتاردىڭ كوشەتتەرىن تەگىن الا الادى. اكسيانىڭ كوكتەمگى كەزەڭىنە قاتىسۋ ءۇشىن وتىنىمدەردى قابىلداۋ 2025 جىلعى 1-11 ءساۋىر ارالىعىندا جالعاسادى.
ۇلكەنگە – قۇرمەت!
الماتىدا «جاقىنىڭا جاردەمدەس» اكسياسى اياسىندا جاس ەرىكتىلەر قالانىڭ تۇكپىر-تۇكپىرىندە اۋلالاردى ارالاپ، ەرەكشە قامقورلىقتى قاجەت ەتەتىن جاندارعا – قارتتارعا، ارداگەرلەرگە، مۇمكىندىگى شەكتەۋلى ازاماتتارعا كومەك كورسەتتى. اكسياعا الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنىڭ قىزمەتكەرلەرى دە اتسالىستى. سوڭعى اپتادا ولار 142 جالعىز تۇراتىن زەينەتكەر مەن مۇمكىندىگى شەكتەۋلى ادامعا كومەك كورسەتتى. ونىڭ ىشىندە 74 جاعدايدا اۋلالار تازالانىپ، ۇساق جوندەۋ جۇمىستارى مەن تۇرمىستىق شارۋالار اتقارىلدى.
الماتىلىق وقۋشىلار رەسپۋبليكالىق وليمپيادانىڭ جەڭىمپازى اتاندى
جاراتىلىستانۋ-ماتەماتيكالىق باعىتتاعى پاندەر بويىنشا رەسپۋبليكالىق وليمپيادانىڭ قورىتىندىسى جاريالاندى. الماتى قالاسىنىڭ نامىسىن قورعاعان وقۋشىلار ق ر وقۋ-اعارتۋ مينيسترلىگىنىڭ I، II جانە III دارەجەلى ديپلومدارىمەن، التىن، كۇمىس جانە قولا مەدالدارمەن، سونداي-اق باعالى سىيلىقتارمەن ماراپاتتالدى. سونىمەن قاتار، ەرەكشە جەتىستىكتەرى ءۇشىن ەكى وقۋشى ق ر وقۋ-اعارتۋ مينيسترلىگىنىڭ «دارىن» رەسپۋبليكالىق عىلىمي-پراكتيكالىق ورتالىعىنىڭ قۇرمەت گراموتالارىن يەلەندى.
شۋدىڭ بويىنا...
ەندى «استانا-الماتى» باعىتىنداعى پويىزدار توقتامايدى. «جولاۋشىلار تاسىمالى» اق استانا مەن الماتى قالالارى اراسىندا قاتىنايتىن № 4/3 جانە № 10/9 «تالگو» پويىزدارىنىڭ قوزعالىس باعىتىنا وزگەرىستەر ەنگىزىلدى. ءساۋىر ايىنان باستاپ بۇل پويىزدار شۋ ستانسياسىنا توقتاماي، تىكەلەي مارشرۋتپەن قاتىنايتىن بولادى.
استانا مەن شۋ اراسىنداعى پويىزدار:
№ 72/71 «استانا — شىمكەنت»
№ 86/85 «استانا — شىمكەنت»
شۋ مەن الماتى اراسىنداعى پويىزدار:
№ ½ «تاشكەنت — الماتى»
№ 11/12 «شىمكەنت — الماتى»
№ 25/26 «شىمكەنت — الماتى»
№ 27/28 «ورال — الماتى»
«جاس كەلسە – ىسكە...»
الماتىدا جاستار ساياساتى باسقارماسىنىڭ قولداۋىمەن ىسكە اسىرىلىپ جاتقان «جاستارعا ارنالعان جالپىقالالىق مانساپ كۇندەرى» اۋقىمدى جوباسى باستالدى. باستامانىڭ ماقساتى - جاس ماماندارعا جۇمىس تابۋعا، كاسىبي داعدىلارىن دامىتۋعا جانە الەۋەتتى جۇمىس بەرۋشىلەرمەن بايلانىس ورناتۋعا كومەكتەسۋ. بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا قالالىق مانساپ ورتالىعىنىڭ جۇمىس بەرۋشىلەرمەن جانە ارىپتەستەرمەن جۇمىس ءبولىمىنىڭ باسشىسى اقارىس تورەبەكوۆ حابارلادى.
اباتتانعان ايالدامالار
الماتى اكىمى ەربولات دوسايەۆتىڭ اۋەزوۆ اۋدانىنىڭ تۇرعىندارىمەن كەزدەسۋىندە ايتۋىنشا، الماتىدا ەكى جىل ىشىندە بارلىق ايالداما كەشەندەرى جاڭارادى. بۇگىنگى تاڭدا قالادا پاۆيلوندارى بار 1900 ايالداما بار، ونىڭ 795ء-ى ينۆەستورلاردىڭ قاراجاتى ەسەبىنەن ورناتىلىپ، جارنامالىق كونسترۋكسيالارمەن جابدىقتالعان. قالعاندارى بيۋدجەت ەسەبىنەن ورناتىلىپ، مودۋلدىك مەتالل جاقتاۋ تۇرىندە ورىندالدى.
موپەدتەردى تىركەۋ ناۋقانى اياقتالىپ كەلەدى
«موپەدتەردى تىركەۋ فورمالدىلىق ەمەس، ءتارتىپ پەن قاۋىپسىزدىككە باعىتتالعان ماڭىزدى شارا. زاڭ قوزعالىستىڭ بارلىق قاتىسۋشىلارى ءۇشىن بىردەي، ال ونى ساقتاۋ اركىمنىڭ قاۋىپسىزدىگىنىڭ كەپىلى»، - دەدى الماتى قالاسى پد اكىمشىلىك پوليسيا باسقارماسىنىڭ پروسەسسينگتىك ورتالىعىنىڭ باستىعى، پوليسيا پودپولكوۆنيگى ايدىن مەركىمبايەۆ.
ن. ساس اتىنداعى تەاتر جوندەۋدەن وتەدى
الماتى اكىمى ەربولات دوسايەۆ تەاتردى رەكونسترۋكسيالاۋ قالا ءۇشىن ماڭىزدى جوبا ەكەنىن اتاپ ءوتتى. قۇرىلىس جۇمىستارى اياقتالعاننان كەيىن تەاتر ۆيزيت كارتوچكالاردىڭ ءبىرى رەتىندە قالا تۇرعىندارىن تارتاتىن مادەني ورىنعا اينالادى.
تەاتر عيماراتى 1980 جىلدارى سالىنعان جانە ەشقاشان كۇردەلى جوندەۋ جۇرگىزىلمەگەن. رەكونسترۋكسيالاۋ 2026 جىلدىڭ ماۋسىمىندا اياقتالادى دەپ جوسپارلانعان.
بالالى بولعىسى كەلگەن الماتىلىقتارعا 673 ملن تەڭگە ءبولىندى
ءالەۋمەتتىك مەديسينالىق ساقتاندىرۋ قورى الماتى فيليالىنىڭ مالىمەتىنشە، بۇل قاراجاتتىڭ ارقاسىندا ءمامس شەڭبەرىندە پرەگراۆيدالدىق دايىندىق كەزىندە كونسۋلتاسيالىق-دياگنوستيكالىق كومەك قولجەتىمدى بولادى. ەندى ەرلى-زايىپتىلار تىركەلگەن جەرى بويىنشا ءوز ەمحانالارىنا جۇگىنىپ، جۇكتىلىككە دايىندىق كەزىندە دارىگەرلەردىڭ تولىق كەڭەسىن جانە قاجەتتى دياگنوستيكالىق قىزمەتتەردى جان-جاقتى الادى.