الماتى قالاسى بويىنشا مەملەكەتتىك كىرىستەر دەپارتامەنتى تەكسەرۋ ءىس-شارالارى بارىسىندا كونترافاكتىلىك تەمەكى ونىمدەرىنىڭ زاڭسىز اينالىمىن انىقتادى.
كودتارى جوق جانە انىقتالماعان ۇلگى كودتارى بار 18 603 قوراپ تەمەكى تابىلدى. زاڭسىز ءونىمنىڭ جالپى قۇنى شامامەن 17 ملن. تەڭگە، دەپ حابارلايدى aqshamnews.kz.
ماتەريالدار ءىس جۇرگىزۋ شەشىمىن قابىلداۋ ءۇشىن الماتى قالاسىنىڭ سوت ورگاندارىنا جىبەرىلدى. بۇل بۇزۋشىلىق ءۇشىن اكىمشىلىك جانە قىلمىستىق جاۋاپكەرشىلىك قاراستىرىلعان.
تاركىلەنگەن اكسيزدەلەتىن ءونىم ازاماتتاردىڭ ءومىرى مەن دەنساۋلىعىنا ەلەۋلى ءقاۋىپ توندىرەدى. دەپارتامەنت ازاماتتاردى شىعۋ تەگى كۇماندى تەمەكى ونىمدەرىن ساتىپ الۋ كەزىندە ساق بولۋعا شاقىرادى.
تەمەكى ونىمدەرىنە (سايكەستەندىرۋ قۇرالدارىنا) سالىنعان كودتاردىڭ ءتۇپنۇسقالىعىن «NAQTY ONIM» موبيلدىك قوسىمشاسىنىڭ كومەگىمەن تەكسەرۋگە بولادى، اكسيزدەلەتىن ءونىمدى زاڭسىز وتكىزۋدىڭ بارلىق فاكتىلەرى بويىنشا الماتى تۇرعىندارى الماتى قالاسى بويىنشا مەملەكەتتىك كىرىستەر دەپارتامەنتىنە بوگەنباي باتىر كوشەسى، 132 مەكەنجايى بويىنشا نەمەسە 8 708 765 38 22 تەلەفونى بويىنشا حابارلاي الادى.