مەملەكەتتىك يدەولوگيانىڭ بىزگە اسا قاجەت ءبىر ءىرى بۇتاعى، قوماقتى تارماعى – حالىقتى، ۇرپاقتى پاتريوتيزمگە،وتانشىلدىق رۋحقا،ەلدى، جەردى سۇيۋگە، قورعاۋعا جۇمىلدىرۋ.
نۇرسۇلتان نازاربايەۆ.
2003 جىلدىڭ باستى وقيعالارى
- نۇرسۇلتان نازاربايەۆتىڭ قازاقستان حالقىنا جولداۋى.
- قازاقستان، رەسەي، بەلارۋس، ۋكراينا اراسىندا ءبىرتۇتاس ەكونوميكالىق كەڭىستىك قۇرۋ تۋرالى كەلىسىم-شارت.
- ق ر ءماسليحاتتارىنىڭ سايلاۋى.
- الەمدىك جانە ءداستۇرلى دىندەر باسشىلارىنىڭ ءى سەزى.
بۇل كەزەڭ سوناۋ حح عاسىردىڭ توقسانىنشى جىلدارى ەلىمىزدە باستالعان كۇردەلى مەملەكەتتىك قۇرىلىمدىق، الەۋمەتتىك-ەكونوميكالىق رەفورمالاردىڭ ماقساتتى دەڭگەيىنە جەتكەن جىلى بولدى. قازاق ەلى اينالاسى نەبارى ون ەكى جىل ىشىندە تاۋەلسىزدىگىن بەكەمدەپ، كەڭەستىك بوداندىقتىڭ سارقىنشاقتارىنان ارىلىپ، العا قويعان ماقساتتارىن ورىنداپ شىعىپ، نارىقتىق ەكونوميكا الەمىنە باتىل قادام باستى. سىرتقى ساياساتتا قازاقستاننىڭ كوپۆەكتورلىق باعدارى ونىڭ حالىقارالىق قاۋىمداستىقتاعى مارتەبەسىن ۇلىقتاسا، ىشكى ساياساتتاعى الەۋمەتتىك-ەكونوميكالىق كورسەتكىشتەر بويىنشا قازاقستان ادام باسىنا شاققانداعى ىشكى ءونىم بويىنشا رەسەيدەن كەيىن ەكىنشى ورىنعا شىقتى. مەملەكەت باسشىسىنىڭ ءداستۇرلى قازاقستان حالقىنا جولداۋىنان كەيىن ۇلتتىق ەكونوميكانى تۇبەگەيلى جاڭعىرتۋ قولعا الىندى. ۇكىمەت الدىندا ونەركاسىپ پەن اۋىل شارۋاشىلىعى سالالارىندا ەكى مەملەكەتتىك باعدارلامانى يگەرۋ ، ەكونوميكانى ديۆەرسيفيكاسيالاۋ ارقىلى شيكىزاتتىق باعىتتان ارىلۋ مىندەتتەرى تۇردى. سونىمەن قاتار قوعامعا «مادەني مۇرا» مەملەكەتتىك باعدارلاماسىنىڭ ۇسىنىلۋى دا ۇلتتىق رۋح پەن رۋحانياتتىڭ جەڭىسى رەتىندە ەل ومىرىندەگى ىرگەلى وقيعاعا اينالدى.
2003 جىل، 20-24 قاڭتار
مەملەكەت باسشىسى رەسمي ساپارمەن شۆەيساريا كونفەدەراسياسىندا بولدى. نۇرسۇلتان نازاربايەۆ پەن شۆەيساريا كونفەدەراسياسىنىڭ فەدەرالدى پرەزيدەنتى پاسكال كۋشپەننىڭ ەكىجاقتى كەزدەسۋلەرى ناتيجەسىندە ءبىرقاتار ۋاعدالاستىقتارعا قول جەتتى. ەلباسى داۆوستا وتكەن دۇنيەجۇزىلىك ەكونوميكالىق فورۋمعا قاتىسىپ،ءسوز سويلەدى. سونداي-اق قازاقستان پرەزيدەنتى وسى ساپار اياسىندا پولشا رەسپۋبليكاسىنىڭ پرەزيدەنتى ا.كۆاسنيەۆسكييمەن، مالايزيا فەدەراسياسىنىڭ پرەمەر-مينيسترى م.موحاممادپەن جانە تاعى باسقا دا مەملەكەتتەر وكىلدەرىمەن جۇزدەستى.
2003 جىل، 17-23 اقپان
مەملەكەت باسشىسى جۇمىس ساپارىمەن رەسەي فەدەراسياسىندا بولدى. ماسكەۋدە اقپاننىڭ ون سەگىزىندە رەسەيدەگى قازاقستان كۇندەرىنىڭ سالتاناتتى اشىلۋ ءراسىمى ءوتتى. شارادا نۇرسۇلتان نازاربايەۆ پەن ۆلاديمير پۋتين ءسوز سويلەدى. سونداي-اق وسى كۇندەرى قازاقستان،رەسەي،بەلارۋس،ۋكراينا مەملەكەتتەرى باسشىلارىنىڭ ءتورتجاقتى كەزدەسۋى ءوتىپ،تاراپتار ءبىرتۇتاس ەكونوميكالىق كەڭىستىك قۇرۋ تۋرالى شەشىم قابىلدادى.
2003 جىل، 4 ءساۋىر
ەلباسى قازاقستان رەسپۋبليكاسى پارلامەنتى پالاتالارىنىڭ بىرلەسكەن وتىرىسىنا قاتىسىپ، ءوزىنىڭ «2004 جىلعى ىشكى جانە سىرتقى ساياساتتىڭ نەگىزگى باعىتتارى» اتتى قازاقستان حالقىنا جولداۋىن جاريالادى.
2003 جىل، 6 مامىر
مەملەكەت باسشىسى دۇنيەجۇزىلىك يسلام ليگاسىنىڭ باس حاتشىسى،دوكتور ابداللا بەن ابدەلمۋحسين ال-تۇركيمەن جۇزدەسىپ،تاراپتار قازاقستاندا الەمدىك دىندەر قۇرىلتايىن وتكىزۋ جونىندە ۋاعدالاستى.
2003 جىل، 3 ماۋسىم
ەلباسى قازاقستانعا رەسمي ساپارمەن كەلگەن جۇڭگو حالىق رەسپۋبليكاسىنىڭ ءتوراعاسى حۋ سزينتاونى قابىلدادى. ەكى ەل باسشىلارى دوستىق جانە تاتۋ كورشىلىك تۋرالى بىرلەسكەن دەكلاراسيانى بەكىتتى. سونداي-اق، تاراپتار 2003 – 2008 جىلدار ارالىعىنا ارنالعان قازاقستان – جۇڭگو ىنتىماقتاستىق باعدارلاماسىنا قول قويدى.
2003 جىل، 5 شىلدە
الماتىدا ورتالىق ازيا ىنتىماقتاستىعى ۇيىمىنا مۇشە مەملەكەتتەر باسشىلارىنىڭ القالى باسقوسۋى ءوتتى. كەزدەسۋ ناتيجەسىندە ءبىرقاتار ۋاعدالاستىقتارعا قول جەتكىزىلدى، تاراپتار ءوز مۇددەلەرى قامتىلعان بىرلەسكەن مالىمدەمە قابىلدادى.
2003 جىل، 23-24 قىركۇيەك
مەملەكەت باسشىسى استانادا اشىلعان الەمدىك جانە ءداستۇرلى دىندەر كوشباسشىلارىنىڭ ءى سەزىنىڭ جۇمىسىنا قاتىسىپ،ءسوز سويلەدى.
2003 جىل، 23 جەلتوقسان
استانادا قازاقستان حالقى اسسامبلەياسىنىڭ ح سەسسياسى اشىلدى. « ۇلتارالىق كەلىسىمنىڭ قازاقستاندىق مودەلى: تاجىريبە جانە بولاشاق» تاقىرىبىندا وتكەن القالى جيىنعا ەلباسى نۇرسۇلتان نازاربايەۆ ءتوراعالىق ەتتى.
ستاتيستيكا:
2003 جىلى پرەزيدەنت رەسپۋبليكا وڭىرلەرىنە 17 رەت، شەت ەلدەرگە 23 رەت رەسمي ساپارعا شىقتى. ءبىر جىل ىشىندە بارلىعى 145 زاڭ قابىلدانىپ، 258 جارلىققا قول قويىلدى.
جىل ءتۇيىنى
2003 جىل ەل بيلىگى مەملەكەتتىك جانە ەكونوميكالىق قۇرىلىمدى ءبىر جۇيەگە ءتۇسىرىپ،وسى باعىتتاعى رەفورمالاردى،ءبىرقاتار يندۋستريالدى-يننوۆاسيالىق باعدارلامالاردى ءساتتى اياقتاپ، قازاقستان دامۋدىڭ جاڭا ساتىسىنا قادام باسقان كەزەڭ بولدى. ساياساتكەرلەر مەن ساراپشىلار ءجيى ايتىپ جۇرگەن، ەلباسىنىڭ ايگىلى «الدىمەن ەكونوميكا، سوسىن ساياسات» دەگەن قاعيداسى وسى كەزەڭمەن ۇندەس. ەكونوميكالىق ءوسىمنىڭ تۇراقتىلىعى،حالىقتىڭ ءال-اۋقاتىنىڭ جاقسارا باستاۋى ەلدىڭ قوعامدىق-ساياسي جۇيەسىنىڭ جۇيەلى دامۋىنا دا ىقپال ەتتى. بۇل جىلى قاراعاندى وبلىسىندا بالقاش سينك زاۋىتىنىڭ جانە «يسپات – كارمەت» ااق مەتاللۋرگيا كومبيناتىندا دومنا پەشىنىڭ، قوستاناي وبلىسىندا «ەنيسەي» مەن «رۋسلان» كومبايندارىن شىعاراتىن «اگروماشحولدينگ ااق ديزەل زاۋىتىنىڭ، باتىس قازاقستان وبلىسىنداعى قاراشىعاناق مۇنايگازكوندەنسات كەن ورنىندا قايتا وڭدەۋ كەشەنىنىڭ اشىلۋى ەل ەكونوميكاسىن دامىتۋعا قولايلى العىشارتتار جاسادى.
قازاقستان رەسپۋبليكاسىنىڭ 50 حالىقارالىق باستامالارىنان:
2003 جىلى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ تومەندەگى ماڭىزدى ۇسىنىس-باستامالارى حالىقارالىق دەڭگەيدە قولداۋ تاپتى:
ەۋرازەق اياسىندا ءبىرىڭعاي ءۇلتۇستى مەملەكەتارالىق ۆاليۋتا-ەسەپ ايىرىسۋ بىرلىگىن ەنگىزۋ باستاماسى
13 اقپاندا حالىقارالىق بەيبىتشىلىك جانە كەلىسىم كونفەرەنسياسى (الماتى ق.) – ق ر پرەزيدەنتى ن.ءا. نازاربايەۆتىڭ باستاماسىمەن وتكىزىلدى
23-24 قىركۇيەكتە الەمدىك جانە ءداستۇرلى دىندەر كوشباسشىلارىنىڭ I سەزى (استانا ق.) – ق ر پرەزيدەنتى ن.ءا. نازاربايەۆتىڭ باستاماسى بويىنشا وتكىزىلدى. بۇۇ باس اسسامبلەياسىنىڭ ارنايى قارارى «ءدىنارالىق ءۇنقاتىسۋدى كوتەرمەلەۋ»: قازاقستاننىڭ كونفەسسياارالىق ءۇنقاتىسۋدى نىعايتۋ سالاسىنداعى قىزمەتىن مويىنداۋ.