قازاقستان مەن جۇڭگو ەلى اراسىنداعى ىسكەرلىك جانە ينۆەستيسيالىق بايلانىستاردى دامىتۋعا ارنالعان جيىن ءوتتى.
ءىس-شاراعا جۇڭگو حالىق رەسپۋبليكاسىنىڭ الماتىداعى باس كونسۋلى سزيان ۆەي، الماتى وبلىسى اكىمىنىڭ ورىنباسارى باقىت ۇلى باقىتنۇر، اتىراۋ وبلىسى اكىمىنىڭ ورىنباسارى مارات مۇرزييەۆ سونداي-اق ەكى ەلدىڭ 70-تەن استام كومپانياسى جەتەكشىلەرى قاتىستى.
ولاردىڭ قاتارىندا تابىستى جۇمىس ىستەپ جۇرگەن كاسىپكەرلەرمەن بىرگە ەلىمىزگە جاڭا ينۆەستيسيا سالۋدى جوسپارلاپ جۇرگەن ينۆەستورلار دا بار.
سەسسيا جۇمىسى قازاقستان پرەزيدەنتى قاسىم-جومارت توقايەۆتىڭ بيىلعى جولداۋىندا ايتىلعان كاسىپكەرلىكتى قولداۋ مەن حالىقارالىق ساۋدا-ينۆەستيسيانى دامىتۋ جونىندەگى باستامالار اياسىندا ۇيىمداستىرىلدى.
بۇل باسقوسۋ قازاقستان مەن جۇڭگو اراسىنداعى ەكونوميكالىق بايلانىستى جاڭا دەڭگەيگە كوتەرۋدى كوزدەيدى.
جيىنعا مۇرىندىق بولعان
«دوستىق كوپىرى» حالىقارالىق كاسىپكەرلەر وداعىنىڭ ءتوراعاسى مۇقان مامىتحان:
– ءبىزدىڭ ماقساتىمىز - شەكارا اسىپ كەلگەن ينۆەستورلار مەن جەرگىلىكتى كاسىپكەرلەر اراسىندا ءوزارا ءتيىمدى ارىپتەستىك ورناتىپ، ەكىجاقتى جوبالاردى جۇزەگە اسىرۋعا جاعداي جاساۋ. بۇل تەك ىسكەرلىك قاتىناستاردى عانا ەمەس، دوستىق پەن باۋىرلاستىقتى دا نىعايتۋعا ۇلەس قوسادى - دەدى.
شارا اياسىندا ايماقتاردىڭ ينۆەستيسيالىق الەۋەتى تانىستىرىلىپ، وتاندىق جانە جۇڭگو كاسىپورىندارى اراسىندا ىنتىماقتاستىق تۋرالى ءبىرقاتار ماڭىزدى مەموراندۋمدارعا قول قويىلدى.