ءتيىمدى ءارى ارزان جولمەن جاس كورىنگىسى كەلەتىندەرگە بيولوگيالىق جاستى 10 جىلعا دەيىن جاسارتۋ ءۇشىن قىمبات پروسەدۋرالارعا جۇگىنۋدىڭ قاجەتى جوق. ەڭ باستىسى - دۇرىس تاماقتانۋ.
Daily Mail باسىلىمىنىڭ جازۋىنشا، ديەتولوگ فەي دجەيمس ءبىرىنشى كەزەكتە تاماقتانۋ ءمازىرىن الۋان ءتۇرلى ەتۋدى ۇسىنادى. مامان ديەتاعا وتىرماي-اق، پايدالى تاعامداردى كوبىرەك تۇتىنۋ ارقىلى زياندى ونىمدەردەن باس تارتۋعا بولاتىنىن ايتادى. ياعني، اس مازىرىنە كوكونىس پەن كوك ءشوپتى، ءتۇرلى ءداندى داقىل مەن بالىقتىڭ ءار ءتۇرىن قوسقان ءجون.
سونداي-اق ول قانداعى قانت مولشەرىنىڭ كۇرت كوتەرىلۋىن بولدىرماس ءۇشىن ءاربىر تاماقتانۋ كەزىندە اقۋىزعا باي ونىمدەردى پايدالانۋعا كەڭەس بەرەدى. سەبەبى تاعام قۇرامىندا اقۋىز، ماي، كومىرسۋ مەن تالشىق بولسا، اعزاداعى گليۋكوزا دەڭگەيى ءبىرقالىپتى بولادى.
"جاس كورىنۋ ءۇشىن اعزاداعى جاسۋشانىڭ قۋات ءسوزى سانالاتىن ميتوحوندريانىڭ دۇرىس جۇمىس ىستەۋىنە اسەر ەتەتىن تاعامداردى تۇتىنۋ كەرەك. وعان كوك ءشوپ، اسقاباق ءدانى، مايلى بالىق، جيدەكتەر، ءزايتۇن مايى، كوك شاي، بروككولي جانە وزگە دە قىرىققابات تۇقىمداس كوكونىستەر جاتادى"، - دەيدى مامان.
ديەتولوگتىڭ پىكىرىنشە، جالعىز قاتاڭ شەكتەۋ - جارتىلاي دايىن ونىمدەردەن تولىقتاي باس تارتۋ. ول ءتىپتى كۇندەلىكتى تۇتىناتىن ناندى دا ءوزى پىسىرەتىنىن ايتادى.
سونىمەن قاتار جاس كورىنۋدىڭ ماڭىزدى فاكتورى رەتىندە تۇراقتى فيزيكالىق بەلسەندىلىكتى اتاپ ءوتۋ كەرەك. ونىڭ ىشىندە كۇش جاتتىعۋلارىنىڭ بولۋى ەرەكشە ماڭىزدى.