الماتىلىق قۇتقارۋشىلار قالا تۇرعىندارىنا دەمالىس كۇندەرى اۋا رايىنىڭ قولايسىزدىعىنا بايلانىستى تاۋعا شىقپاۋدى ەسكەرتتى، دەپ حابارلايدى aqshamnews.kz قالالىق تجد باسپا ءسوز قىزمەتىنە سىلتەمە جاساپ.
الماتى قالاسى تجد وكىلدەرى "قازگيدرومەتتىڭ" داۋىلدى ەسكەرتۋىنە سايكەس، الماتى قالاسى جولدارىندا كوكتايعاق ،تۇمان كۇتىلەتىنىن، ال تاۋلى ايماقتاردا تۇمان ءتۇسىپ، قار جاۋاتىنىن ەسكە سالدى. سونداي-اق اۋا تەمپەراتۋراسى كۇرت تومەندەيدى.
وسى رەتتە قۇتقارۋشىلار قالا تۇرعىندارىنا ماڭىزدى ەسكەرتپە جاسادى.
"جەكە قاۋىپسىزدىكتى ساقتاۋدى جانە ۋاقىتشا تاۋعا شىقپاۋعا كەڭەس بەرەمىز.
الداعى ايازعا بايلانىستى ءتۇتىن قۇبىرىنىڭ گەرمەتيكالىق جاعدايىن قاداعالاڭىز، كومىرقىشقىل گازىنىڭ تارالۋىنا جول بەرمەڭىز، ەلەكتر جەلىلەرىن ەلەكتر قۇرىلعىلاردى قوسىپ ارتىق جۇكتەمە تۇسىرمەڭىز"، - دەلىنگەن حابارلامادا.