جاپونيانىڭ سولتۇستىك-شىعىسىندا قۋاتى 7،6 بالل بولاتىن جەر سىلكىنىسى تىركەلدى. جەر استى دۇمپۋلەرى ءتىپتى توكيونىڭ ورتالىعىندا دا سەزىلدى، دەپ حابارلايدى اqshamnews.kz ءتىلشىسى جاپونيانىڭ مەتەورولوگيالىق ورتالىعىنا سىلتەمە جاساپ.
ۆەدومستۆونىڭ مالىمەتىنشە، حوككايدو، اوموري جانە يۆاتە پرەفەكتۋرالارىندا بيىكتىگى 3 مەترگە دەيىن جەتەتىن سۋنامي قاۋپىنە بايلانىستى ەسكەرتۋ جاريالانعان.
جەر سىلكىنىسىنىڭ ەپيسەنترى اوموري جاعالاۋىندا، شامامەن 50 شاقىرىم تەرەڭدىكتە ورنالاسقان. ايماقتا ەكى ءورت وقيعاسى تىركەلگەن. توكيو مەن سين-اوموري قالالارى اراسىنداعى جوعارى جىلدامدىقتى پويىز قوزعالىسى ۋاقىتشا توقتاتىلدى.
جاپونيا ۇكىمەتى ءقازىر زارداپ شەككەندەر تۋرالى اقپاراتتى ناقتىلاپ جاتىر. «توماري» اتوم ەلەكتر ستانسياسىندا ەشقانداي اۋىتقۋ انىقتالماعانى حابارلاندى.
بۇعان دەيىن، شىلدە ايىنىڭ اياعىندا، جاپونيادا رەسەيدىڭ كامچاتكا جاعالاۋىندا بولعان 7،9 باللدىق جەر سىلكىنىسىنەن كەيىن بيىكتىگى 3 مەترگە دەيىن جەتۋى مۇمكىن سۋنامي قاۋپىنە بايلانىستى ەسكەرتۋ جاريالانعان ەدى.