قازاقستانداعى اقىلى اۆتوموبيل جولدارىنان تۇسكەن كىرىس مەملەكەتتىك بيۋدجەتكە شامامەن 79 ملرد تەڭگە اكەلدى. بۇل تۋرالى ق ر كولىك ءمينيسترى نۇرلان ساۋرانبايەۆ ۇكىمەت وتىرىسىندا مالىمدەدى، دەپ حابارلايدى اqshamnews.kz ءتىلشىسى.
ءمينيستردىڭ ايتۋىنشا، مەملەكەت باسشىسىنىڭ تاپسىرماسىنا سايكەس e-Joldar جۇيەسى اياسىندا اۆتوجولداردىڭ سيفرلىق پاسپورتتارى قالىپتاستىرىلىپ جاتىر. بۇل الداعى ۋاقىتتا پيلوتسىز كولىك جۇرگىزۋ تەحنولوگيالارىن ەنگىزۋگە مۇمكىندىك بەرەدى.
«جىل سايىن جاساندى ينتەللەكت تەحنولوگيالارىن قولدانا وتىرىپ، جولداردىڭ دياگنوستيكاسى جۇرگىزىلەدى»، – دەدى ساۋرانبايەۆ.
سونىمەن قاتار، جول جابىنىنىڭ ساقتالۋىن قامتاماسىز ەتۋ ءۇشىن 220 بىرلىككە دەيىن اۆتوماتتاندىرىلعان ولشەۋ ستانسيالارىن ورناتۋ جۇمىسى جالعاسىپ جاتىر. قازىرگى ۋاقىتتا ولاردىڭ 71ء-ى پايدالانۋعا بەرىلگەن.
«بيۋدجەتكە تۇسەتىن سالماقتى ازايتۋ ءۇشىن رەسپۋبليكالىق ماڭىزى بار جولداردا اقىلى ۋچاسكەلەر كەزەڭ-كەزەڭىمەن ەنگىزىلىپ جاتىر. اقىلى جولدارداعى KazToll جۇيەسى ارقىلى بۇگىنگى كۇنگە دەيىن 79 ملرد تەڭگە كولەمىندە قارجى جينالدى»، – دەپ اتاپ ءوتتى كولىك ءمينيسترى.