بۇل تىستەردىڭ ءۇشىنشى جيىنتىعىن وسىرۋگە مۇمكىندىك بەرەدى.
كلينيكالىق سىناقتار ءبىر جىلدان كەيىن باستالادى، دەپ حابارلايدى Almaty-akshamy.kz.
عالىمداردىڭ ايتۋىنشا، ادامنىڭ اعزاسىندا تىستەردىڭ ءۇشىنشى جيىنتىعىنىڭ ءوسۋى ءۇشىن قاجەت نارسەنىڭ ءبارى بار، ءبىراق بۇل پروسەسس بەلگىلى ءبىر اقۋىزبەن بىتەلىپ قالعان.
Egemen.kz اقپاراتىنا ساي، دارىلىك زاتتى سىناۋ ءۇشىن تىشقاندارعا ەكسپەريمەنت جاسالدى. ول ءساتتى اياقتالعان. ءدارى «ءۇشىنشى بۋىن» تىستەرىنىڭ وسۋىنە مۇمكىندىك بەرەدى.
«جاڭا تىستەردى ءوسىرۋ يدەياسى - ءار ءتىس دارىگەرىنىڭ ارمانى. مەن بۇل دارىمەن اسپيرانت بولعان كەزىمنەن باستاپ جۇمىس ىستەدىم جانە جۇزەگە اسىرا الاتىنىما سەنىمدى بولدىم»، - دەدى وساكا قالاسىنداعى كيتانو مەديسينالىق ينستيتۋتىنىڭ جەتەكشى زەرتتەۋشىسى كاتسۋ تاكاحاشي.
تاكاحاشيدىڭ زەرتتەۋ توبى تىستەردىڭ ءوسۋىن شەكتەيتىن USAG-1 اقۋىزىنا نازار اۋداردى. بۇل اقۋىزدىڭ قىزمەتىن تەجەۋگە قابىلەتتى بەيتاراپتاندىراتىن انتيدەنە جاسالدى. ءدارىنى ىشكەننەن كەيىن تىشقانداردا جاڭا تىستەر شىعا باستاعان.
ءقازىر ادامدارعا ارنالعان پرەپارات ازىرلەنىپ جاتىر. ەڭ الدىمەن، ءدارى بارلىق تىستەرى بار ادامدارعا ارنالعان. بۇل «ادەنتيا» دەپ اتالادى. مامانداردىڭ ايتۋىنشا، بولاشاقتا بۇل ءدارىنىڭ قولدانۋ اۋقىمى كەڭەيۋى مۇمكىن.
«تىستەردى ەمدەۋ مۇمكىن بولماعان كەزدە، ادامدار ولاردى جۇلدىرتىپ جانە ءتىس پروتەزدەرىن نەمەسە يمپلانتتاردى ورناتۋعا ءماجبۇر بولادى. ءۇشىنشى بۋىن تىستەرىن ءوسىرۋ مۇمكىندىگى جاعدايدى وزگەرتە الادى. قالاي بولعاندا دا، ءبىز الداعى جىلدارى تىستەردى قالپىنا كەلتىرەتىن ءدارىنىڭ قولجەتىمدى بولاتىنىنا سەنەمىز»، - دەيدى تاكاحاشي.
پرەپاراتتىڭ كلينيكالىق سىناقتارى 2024 جىلدىڭ شىلدەسىنە جوسپارلانعان. جالپى پايدالانۋعا 2030 جىلى ۇسىنىلۋى مۇمكىن.
ايتا كەتەيىك، كەيبىر باۋىرمەن جورعالاۋشىلار مەن اكۋلالاردىڭ اعزاسى جاڭا ءتىس شىعارۋعا قابىلەتتى.