الماتى پوليسياسى كەڭسە ۇرىلارىن ۇستادى

تەرگەۋ انىقتاعانداي، قاسكويلەر تۇندە ۇرلىق جاساپ جۇرگەن.

ىسكە ءۇش ادام بىرگە كىرىسكەن، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«سوڭعى ۇرلىققا ۇشتىك تۇنگى ءبىر جارىمدا شىعۋدى شەشكەن. دوستىق داڭعىلى بويىنداعى كەڭسەگە ولار تەرەزە ارقىلى كىرىپ، سول جەردەن كەڭسە تەحنيكاسىن ۇرلاعان. جەدەل-ىزدەستىرۋ شارالارىنىڭ ناتيجەسىندە كۇدىكتىلەر ۇستالدى. ولار ق ر قىجك-نىڭ 128-بابىنا سايكەس ۋاقىتشا ۇستاۋ يزولياتورىنا قامالدى. كۇدىكتىلەر – 38-39 جاستا. ولار – باسقا جاقتان كەلگەندەر. ءقازىر ۇستالعانداردىڭ باسقا دا قىلمىسقا قاتىسى بار-جوعىن تەكسەرىپ جاتىرمىز. اتالعان دەرەك بويىنشا قىلمىستىق ءىس ق ر قك-نىڭ 188-بابى 3-بولىگىنە سايكەس تەرگەلۋدە»، – دەدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.

ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايتىنىن حابارلادى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.