سەناتتاعى 6 مانداتقا بارلىعى 12 كانديدات سايلاۋعا قاتىستى.
ورتالىق سايلاۋ كوميسسياسى جاڭادان قۇرىلعان ءۇش وبلىستان سەناتقا سايلانعان دەپۋتاتتاردىڭ ءتىزىمىن جاريالادى، دەپ حابارلايدى Almaty-akshamy.kz
كوميسسيا قاۋلىسىنا سايكەس، اباي، جەتىسۋ جانە ۇلىتاۋ وبلىستارىنان التى سەناتور جوعارى پالاتاعا سايلاندى.
اباي وبلىسىنان:
باقىتجان كاكەنقادجى ۇلى باياحمەتوۆ (2017 جىلعى 28 ماۋسىمدا سايلانعان قازاقستان رەسپۋبليكاسى پارلامەنتى سەناتى دەپۋتاتتارىنىڭ وكىلەتتىك مەرزىمىنە)؛
اينۇر سەرىكپاي قىزى ارعىنبەكوۆا (2020 جىلعى 12 تامىزدا سايلانعان قازاقستان رەسپۋبليكاسى پارلامەنتى سەناتى دەپۋتاتتارىنىڭ وكىلەتتىك مەرزىمىنە).
جەتىسۋ وبلىسىنان:
امانگەلدى عابدىلكارىم ۇلى تولاميسوۆ (2017 جىلعى 28 ماۋسىمدا سايلانعان قازاقستان رەسپۋبليكاسى پارلامەنتى سەناتى دەپۋتاتتارىنىڭ وكىلەتتىك مەرزىمىنە)؛
عالياسقار تولەندى ۇلى سارىبايەۆ (2020 جىلعى 12 تامىزدا سايلانعان قازاقستان رەسپۋبليكاسى پارلامەنتى سەناتى دەپۋتاتتارىنىڭ وكىلەتتىك مەرزىمىنە).
ۇلىتاۋ وبلىسىنان:
سوۆەتبەك تۇرسىن ۇلى مەدەبايەۆ (2017 جىلعى 28 ماۋسىمدا سايلانعان قازاقستان رەسپۋبليكاسى پارلامەنتى سەناتى دەپۋتاتتارىنىڭ وكىلەتتىك مەرزىمىنە)؛
سەرىك جامانقۇل ۇلى شايداروۆ (2020 جىلعى 12 تامىزدا سايلانعان قازاقستان رەسپۋبليكاسى پارلامەنتى سەناتى دەپۋتاتتارىنىڭ وكىلەتتىك مەرزىمىنە).
ورتالىق سايلاۋ كوميسسياسىنىڭ ءتوراعاسى نۇرلان ءابدىروۆتىڭ ايتۋىنشا، قازىرگى ۋاقىتتا پارلامەنت سەناتىندا 2017 جانە 2020 جىلدارى سايلانعان دەپۋتاتتار ءوز وكىلەتتىگىن اتقارىپ جاتىر.
«ال ءۇش وبلىستىڭ التى سەناتورىن سايلاۋ كەزىندە ءماسليحات دەپۋتاتتارى جاناما سايلاۋ قۇقىقتارى نەگىزىندە جاسىرىن داۋىس بەرۋ ارقىلى جاڭا سەناتورلاردىڭ قايسىسى 2017 جانە 2020 جىلدارى سايلانعان دەپۋتاتتاردىڭ وكىلەتتىك مەرزىمىنە روتاسيا ارقىلى سايلاناتىنىن وزدەرى انىقتادى»، - دەيدى ءابدىروۆ.
ايتا كەتەرى، سەناتتاعى 6 مانداتقا ءار وبلىستان 4 ادامنان بارلىعى 12 كانديدات سايلاۋعا قاتىستى. ولار ءۇشىن ءۇش وڭىردەگى 311 دەپۋتات داۋىس بەردى.