سەناتتاعى 6 مانداتقا 12 كانديدات ۇمىتكەر بولىپ وتىر.
بۇگىن اباي، جەتىسۋ جانە ۇلىتاۋ وبلىستارىنان پارلامەنت سەناتى دەپۋتاتتارىن سايلاۋ ءوتىپ جاتىر، دەپ حابارلايدى Almaty-akshamy.kz
سەنات دەپۋتاتتارىن تاڭداۋشىلار – ءماسليحات دەپۋتاتى بولىپ تابىلاتىن رەسپۋبليكا ازاماتتارى - جاناما سايلاۋ قۇقىعى نەگىزىندە جاسىرىن داۋىس بەرۋ ارقىلى سايلايدى.
پارلامەنت سەناتى دەپۋتاتتارىن سايلاۋ تاڭداۋشىلاردىڭ بىرلەسكەن وتىرىسىندا وتكىزىلەدى، وتىرىس ساعات 11.00-دە (ەلوردا ۋاقىتىمەن) باستالادى.
تاڭداۋشىلاردى تىركەۋ ساعات 10.00-دە (ەلوردا ۋاقىتىمەن) باستالدى. ءار وبلىستان ەكى دەپۋتات سايلانادى.
سەناتتاعى 6 مانداتقا 12 كانديدات ۇمىتكەر بولىپ وتىر.
بارلىق ءۇش وڭىردەگى تاڭداۋشىلاردىڭ جالپى تىزىمىنە 346 ءماسليحات دەپۋتاتى ەنگىزىلگەن.