الماتىدا جالعان تۇبىرتەكپەن تەلەفون ساتىپ العان ادام ۇستالدى

ول سايتقا ۇيالى تەلەفون ساتىپ الۋ تۋرالى حابارلاندىرۋلار شىعارعان.

المادا 33 جاستاعى ەر ادام جالعان تولەم تۇبىرتەكتەرىمەن تەلەفونداردى ساتىپ العان، – دەپ حابارلايدى Almaty-akshamy.kz Polisia.kz-كە سىلتەمە جاساپ.

قالالىق پوليسەيلەر الماتىنىڭ كەمىندە ءۇش تۇرعىنىن الداپ كەتكەن 33 جاستاعى ەر ادامدى ۇستادى. ءتارتىپ ساقشىلارىنىڭ ايتۋىنشا، ت.ەسىمدى ازامات سايتقا ۇيالى تەلەفونداردى ساتىپ الۋ تۋرالى حابارلاندىرۋلار ورنالاستىردى. الەۋەتتى كليەنتپەن كەزدەسۋدە ول بانكتىڭ قولدان جاسالعان تۇبىرتەگىن كورسەتىپ، اقشانىڭ ءبىر تاۋلىك ىشىندە تۇسەتىنىنە سەندىرىپ، تاۋاردى الىپ، بەلگىسىز باعىتقا جاسىرىنعان.

ءو

«جەدەل ىزدەستىرۋ ءىس-شارالارى بارىسىندا كۇدىكتى ۇستالدى. ءقازىر تەرگەۋشىلەر الاياقتىق بويىنشا 3 دەرەكتى انىقتادى. سوتقا دەيىنگى تەرگەۋدىڭ ءبىرىڭعاي تىزىمىنە ق ر قك-نىڭ 190-بابى 3-بولىگىنىڭ 4-تارماعىنا (الاياقتىق) سايكەس، قىلمىستىق ءىس تىركەلدى. كۇدىكتى بۇرىن وسىعان ۇقساس قىلمىستاردى جاساعانى ءۇشىن سوتتى بولعان، – دەدى ناۋرىزباي اۋداندىق پوليسيا باسقارماسىنىڭ باستىعى دانيار مەڭدەبايەۆ.

ءقازىر كۇدىكتىنىڭ قالادا جاسالعان وسىعان ۇقساس قىلمىستارعا قاتىسى بار-جوعى تەكسەرىلۋدە. وسىعان بايلانىستى پوليسيا قىزمەتكەرلەرى ۇستالعان ازاماتتىڭ سۋرەتىن مۇقيات قاراپ شىعۋلارىڭىزدى سۇرايدى. ونىڭ ارەكەتىنەن زارداپ شەككەندەردىڭ بارلىعىن ءتارتىپ ساقشىلارى مىنا تەلەفون نومىرلەرىنە حابارلاسۋعا شاقىرادى: 8-707-447-07-50؛ 8-747-699-70-02.