جەلىدە تارالعان اقپاراتقا سايكەس، شەنەۋنىكتى ۇلتتىق قاۋىپسىزدىك كوميتەتىنىڭ جەمقورلىققا قارسى ءىس-قيمىل قىزمەتى ارنايى وپەراسيا بارىسىندا قولعا تۇسىرگەن، دەپ حابارلايدى aqshamnews.kz
اقشابايەۆ 28 ميلليون تەڭگە كولەمىندە پارا الدى دەپ ايىپتالۋدا.
ىلە اۋدانى اكىمدىگىنىڭ رەسمي سايتىنداعى باسشىلىق قۇرام تىزىمىنەن قۋات اقشابايەۆتىڭ ەسىمى الىپ تاستالعان.
قۋات قاراباي ۇلى اقشابايەۆ ىلە اۋدانى اكىمىنىڭ ورىنباسارى قىزمەتىنە 2025 جىلدىڭ اقپان ايىندا تاعايىندالعان بولاتىن.
1986 جىلى الماتى وبلىسى، ەڭبەكشىقازاق اۋدانىندا دۇنيەگە كەلگەن شەنەۋنىك ماماندىعى بويىنشا – زاڭگەر. ونىڭ ەڭبەك جولىنا كوز جۇگىرتسەك، مەملەكەتتىك قىزمەتتىڭ ءتۇرلى ساتىلارىنان وتكەنىن بايقاۋعا بولادى:
ەڭبەك جولىن 2007 جىلى سۋ شارۋاشىلىعىندا ەسەپشى بولىپ باستاعان.
ۇزاق جىلدار بويى حالىققا قىزمەت كورسەتۋ ورتالىقتارىندا ينسپەكتورلىقتان باستاپ باسشىلىق قىزمەتتەرگە دەيىن كوتەرىلگەن.
الماتى قالاسى جەتىسۋ اۋدانى اكىمدىگىندە ءبولىم باسشىسى بولعان.
2015-2018 جىلدارى ەسىك قالاسى اكىمىنىڭ ورىنباسارى؛
2018-2022 جىلدارى راحات اۋىلدىق وكرۋگىنىڭ اكىمى؛
ىلە اۋدانىنا كەلمەس بۇرىن، ەڭبەكشىقازاق اۋدانى اكىمىنىڭ ورىنباسارى قىزمەتىن اتقارعان.
قازىرگى ۋاقىتتا قۇقىق قورعاۋ ورگاندارىنان رەسمي اقپارات كۇتىلۋدە.