ۇكىمەتتىڭ 2026–2030 جىلدارعا ارنالعان مال شارۋاشىلىعىن دامىتۋدىڭ كەشەندى جوسپارىندا شالعايدا ەڭبەك ەتەتىن شوپاندار مەن باقتاشىلارعا الەۋمەتتىك كەپىلدىكتەر بەرۋ ماسەلەسىنە ەرەكشە ءمان بەرىلگەن، دەپ حابارلايدى aqshamnews.kz
جوسپارعا سايكەس، مال شارۋاشىلىعى قىزمەتكەرلەرى، سونىڭ ىشىندە شوپاندار مەن باقتاشىلار 55 جاسقا تولعاننان كەيىن ارنايى الەۋمەتتىك تولەم الۋ قۇقىعىنا يە بولادى. بۇل باستاما اۋىر ءارى تۇراقسىز ەڭبەك جاعدايىندا جۇمىس ىستەيتىن ازاماتتاردى الەۋمەتتىك قورعاۋدى كۇشەيتۋگە باعىتتالعان.
سونىمەن قاتار، مال شارۋاشىلىعى ماماندارى ءۇشىن تۇرعىن ءۇي سالۋ، كادر تاپشىلىعىن ازايتۋ جانە اۋىلدا ەڭبەك ەتۋگە ىنتالاندىرۋ شارالارى قاراستىرىلعان.
اۋىل شارۋاشىلىعى مينيسترلىگىنىڭ مالىمەتىنشە، مال شارۋاشىلىعى بۇگىندە ەلىمىزدىڭ اگروونەركاسىپ سالاسىنىڭ 39 پايىزىن قۇرايدى. الايدا جىل سايىنعى ءوسىم 2–3 پايىز دەڭگەيىندە قالىپ، سالانىڭ الەۋەتى تولىق اشىلماي وتىر.
وسىعان بايلانىستى ۇكىمەت مال باسىن ايتارلىقتاي ارتتىرۋدى كوزدەپ وتىر. الداعى بەس جىلدا:
ءىرى قارا سانى 7،9 ملن-نان 12 ملن باسقا،
ۇساق مال 20،2 ملن-نان 28 ملن باسقا دەيىن ۇلعايماق.
ەت ءوندىرىسىن 1،8 ملن تونناعا جەتكىزىپ، ەكسپورت كولەمىن ەكى ەسە ارتتىرۋ جوسپارلانعان.
شالعايداعى شارۋاشىلىقتاردى قولداۋ ءۇشىن جىلدىق 6 پايىزبەن 50 ملرد تەڭگە كولەمىندە جەڭىلدەتىلگەن نەسيە بەرىلەدى. بۇل قاراجات جايىلىم ينفراقۇرىلىمىن دامىتۋعا جانە مال وسىرۋمەن اينالىساتىن اۋىل تۇرعىندارىن قولداۋعا باعىتتالادى.