ق ر ءىىم حابار-وشارسىز كەتكەندەردى ىزدەستىرۋ باعىتىنداعى جۇمىستىڭ قورىتىندىسى جاريالادى، دەپ حابارلايدى aqshamnews.kz
ءىىم باسپا ءسوز قىزمەتىنىڭ مالىمەتىنشە، 2025 جىلى قازاقستان اۋماعىنان تىس جەرلەردە جاسىرىنعان 156 قىلمىسكەر ىزدەستىرىلىپ، ۇستالعان. سونىمەن قاتار تمد ەلدەرى مەن الىس شەتەل مەملەكەتتەرىنىڭ سۇراۋى بويىنشا ەل ىشىندە 639 ىزدەۋدە جۇرگەن تۇلعا قولعا تۇسكەن.
"2025 جىلى ءتۇرلى قىلمىستار جاساعانى ءۇشىن ىزدەۋدە جۇرگەن 1600-دەن استام ادام ۇستالدى"، – دەپ اتاپ ءوتتى مينيسترلىكتە.
ءىىم وكىلدەرى حابار-وشارسىز كەتكەن ادامداردى ىزدەستىرۋ سالاسىندا دا ايتارلىقتاي ناتيجەلەرگە قول جەتكىزىلگەنىن مالىمدەدى.
"2025 جىلى جوعالىپ كەتكەن دەپ ەسەپتەلگەن 20 مىڭنان استام ادامنىڭ جۇرگەن جەرى انىقتالدى. ولاردىڭ 6 مىڭنان استامى – بالالار. ءاربىر وقيعا – پوليسيانىڭ تياناقتى ەڭبەگىنىڭ ناتيجەسى جانە ازاماتتاردىڭ قاۋىپسىزدىگى مەن تىنىشتىعىن قالپىنا كەلتىرۋگە قوسىلعان ۇلەس"، – دەپ اتاپ ءوتتى ءىىم.