جاساندى ينتەللەكت مينيسترلىگى سپۋتنيكتەردى ءوندىرۋ بويىنشا وتاندىق كەشەننىڭ قۋاتتارىن جۇكتەۋ بويىنشا جۇمىستى باستادى. بۇل تۋرالى ۇكىمەت وتىرىسىندا پرەمەر-مينيستردىڭ ورىنباسارى – جاساندى ينتەللەكت جانە سيفرلىق دامۋ ءمينيسترى جاسلان مادييەۆ مالىمدەدى.
الداعى جىلدارى جەردى قاشىقتىقتان زوندتاۋدىڭ كەمىندە 5-6 سپۋتنيگى شىعارىلاتىن بولادى. ونىڭ ىشىندە $75 ملن سوماسىنا ەكسپورت جوسپارلانۋدا، بۇل قازاقستان تاريحىندا تۇڭعىش رەت بولادى جانە ەلىمىزدىڭ ەڭ تەحنولوگيالىق ەكسپورتى بولماق، دەدى ۆيسە-پرەمەر.