جاساندى ينتەللەكت جانە سيفرلىق دامۋ ۆيسە-مينيسترى روستيسلاۆ كونياشكين وسىلاي دەپ وتىر. سوزىنشە، كۇنى كەشە حقكو-لارعا بارعاندار سانى كوپ بولعان. ول مۇنداي جاعداي جاڭا قىزمەتتەر ىسكە قوسىلعاندا عانا بولمايتىنىن، مەرەكەلەردەن كەيىن دە بايقالاتىنىن اتاپ ءوتتى.
«كەشە كولىكتەرگە «ادەمى» نومىرلەردى تاڭداۋ قىزمەتى ىسكە قوسىلدى. قاتەلەسپەسەم، ەلىمىز بويىنشا وسى قىزمەتكە شامامەن 11 مىڭ ءوتىنىش بەرىلگەن»، – دەدى ۆيسە-مينيستر.
روستيسلاۆ كونياشكيننىڭ ايتۋىنشا، وسى اپتادا e-Gov ءموبيلدى قوسىمشاسى ارقىلى بۇل قىزمەتتى ونلاين رەجيمدە ىسكە قوسۋ جوسپارلانعان. سونداي-اق، «ازاماتتارعا ارنالعان ۇكىمەت» تە ءوز سەرۆيسىن ازىرلەپ جاتىر.