گرۋزيانىڭ ءجۇزىم وسىرەتىن ايماعى كاحەتيانى قالىڭ سۋ باسىپ جاتىر. بىرنەشە مينۋت قانا قۇيعان نوسەر مەن، بۇرشاق سوڭى، الاپات تاسقىنعا ۇلاستى، دەپ حابارلايدى Almaty-akshamy.kz.
24.kz تاراتقان مالىمەت بويىنشا وزەندەر تاسىپ، جولدار مەن ۇيلەردى، ءجۇزىم القابى مەن باۋ-باقشالاردى شايىپ، ۇلكەن زارداپ اكەلدى. سونداي-اق كۇشتى جەلدىڭ كەسىرىنەن ەلەكتر سىمدارى ءۇزىلىپ، بىرنەشە ەلدىمەكەن جارىقسىز قالدى. اسىرەسە گۋرد-جااني قالاسى قاتتى زارداپ شەكتى. تاسىعان وزەننىڭ سۋى، ورتالىق كوشەنى باسىپ، كولىك قوزعالىسى توقتاپ قالدى.
- گۋردجااني قالاسى سۋ استىندا قالدى. ورتالىق كوشەمەن ءجۇرۋ مۇمكىن ەمەس ءتىپتى. ابىروي بولعاندا، ادامدار امان. بارلىق تەحنيكانى قالپىنا كەلتىرۋ جۇمىسىنا جۇمىلدىردىق، -دەيدى كاحەتيا گۋبەرناتورى گەورگيي الاداشۆيلي.
- باسىندا بۇرشاق ارالاس جاڭبىر جاۋدى. اپ-ساتتە كوشەلەردى سۋ الىپ كەتتى. ۇيدەگىلەردى دالاعا شىعارماي قويدىم. بۇرىن وسىنداي تاسقىن كەزىندە 2 ۇل بالا قايتىس بولعان ەدى. سودان قاتتى قورقامىن. سۋ اسفالت جولدى شايىپ كەتتى. ەندى ءبارىن قايتادان ىستەۋ كەرەك، - دەدى گوري قالاسىنىڭ تۇرعىنى مزيا شاتاكيشۆيلي.