بۇل جەرلەر جىلدار بويى يگەرىلمەي، بوس جاتقان.
الماتى وبلىسىنىڭ ەڭبەكشىقازاق اۋدانىنداعى 3500 گەكتار جايىلىمدىق جەر مەملەكەتكە قايتارىلدى، دەپ حابارلايدى Almaty-akshamy.kz
بۇل جەر 2017 جىلى «فوربس» تىزىمىندەگى بەلگىلى كاسىپكەرگە شالعايداعى (ماۋسىمدىق) مال شارۋاشىلىعىنا ارنالعان جەرلەر قۇرامىنان شىعارىلىپ، زاڭسىز جولىمەن بەرىلگەن ەدى.
الماتى وبلىسى پروكۋراتۋراسىنىڭ حابارلاۋىنشا، قازىرگى ۋاقىتتا وسى جەردى جەرگىلىكتى تۇرعىندارعا جايىلىمدار ءۇشىن بەرىلەتىن بولىپ شەشىلدى. وسى ماقساتتا جۇمىس ىستەلىنىپ جاتىر.
سونىمەن قاتار، جىل باسىنان بەرى جوعارى لاۋازىم يەلەرى مەن ءىرى بيزنەسمەندەرگە تيەسىلى 26،8 مىڭ گا جەر، كاداسترلىق قۇنى 714 ملن تەڭگە مەملەكەت پايداسىنا قايتارىلدى.
بۇل جەرلەر جىلدار بويى يگەرىلمەي، بوس جاتقان. جەمشوپ داقىلدارى وسىرىلمەگەن. شارۋاشىلىقتاردىڭ بالانسىندا مالدار دا بولماعان. سونىڭ كەسىرىنەن فەرمەرلەر ەگىستىك جانە جايىلىمدىق جەرلەرگە وتە مۇقتاج بولعان.