بۇل تۋرالى ق ر سىرتقى ىستەر مينيسترلىگى مالىمدەدى.
بۇگىن ەۆاكۋاسيانىڭ ءبىرىنشى كەزەڭى جۇزەگە اسىرىلىپ، ناتيجەسىندە «رافاح» باقىلاۋ-وتكىزۋ پۋنكتى ارقىلى گازا سەكتورىنان مىسىر اۋماعىنا 92 قازاقستان ازاماتى مەن ولاردىڭ وتباسى مۇشەلەرى ءوتتى، دەپ حابارلايدى Almaty-akshamy.kz.
قازاقستاندىق ديپلوماتتار وتانداستارىمىزعا بارلىق قاجەتتى كونسۋلدىق-قۇقىقتىق جانە پسيحولوگيالىق كومەك كورسەتتى. شەكاراداعى راسىمدەردەن كەيىن ءبىزدىڭ ازاماتتارىمىز كولوننا قۇرامىندا جولعا شىقتى جانە جاقىن ارادا كاير قالاسىنا جەتەدى.
ايتا كەتەتىن ءجايت، ق ر ازاماتتارىن گازا سەكتورىنان ەۆاكۋاسيالاۋ كەزەڭ-كەزەڭمەن جۇرگىزىلۋدە. وسى ورايدا قازاقستاندىق ديپلوماتتار يزرايل، مىسىر، پالەستينا ۇلتتىق اكىمشىلىگىنىڭ قۇزىرەتتى ورگاندارىمەن جانە باسقا دا حالىقارالىق ۇيىمدارمەن قالعان وتانداستارىمىزدى انكلاۆتان ەۆاكۋاسيالاۋ بويىنشا جۇمىستى جالعاستىرادى.
ءبىزدىڭ بارلىق ازاماتتارىمىز گازا سەكتورىنان كايرگە امان-ەسەن جەتكىزىلگەننەن كەيىن ق ر ۇكىمەتى ولاردى ەلگە جەتكىزۋ ءۇشىن ەۆاكۋاسيالىق بورت جولدايدى.