مينيسترگە مۇعالىمدەردەن قايتا-قايتا تۇسىنىكسىز ەسەپتەردى جيناۋعا، قۇجات اينالىمىنىڭ ۇلعايۋىنا قاتىستى ارىز-شاعىمدار كەلىپ ءتۇسىپ جاتىر.
وقۋ-اعارتۋ ءمينيسترى عاني بەيسەمبايەۆ اپپارات وتىرىسىندا مەكتەپ ديرەكتورلارىنا، ءبىلىم باسقارماسىنىڭ، ءبولىمىنىڭ باسشىلارىنا ەسكەرتۋ جاسادى، دەپ حابارلايدى Almaty-akshamy.kz مينيسترلىكتىڭ رسۋرسىنا سىلتەمە جاساپ.
«ۇيىم باسشىلارى، ءبىلىم بولىمدەرى مەن ءبىلىم باسقارمالارى ءوز بەتىنشە شەشىم قابىلداۋدى توقتاتۋى قاجەت! «پەداگوگ مارتەبەسى تۋرالى» زاڭ تالاپتارىن ساقتاۋ كەرەك. تاعى دا ايتا كەتەيىن، ءاربىر وسىنداي شاعىم ءۇشىن مەكتەپ ديرەكتورلارى، ءبىلىم باسقارمالارى مەن بولىمدەرىنىڭ باسشىلارى جاۋاپتى بولادى»، - دەدى مينيستر.
عاني بەيسەمبايەۆتىڭ پىكىرىنشە، ۇستازداردىڭ ساپالى ءبىلىم، سانالى تاربيە بەرۋىنە بارىنشا جاعداي جاسالۋ كەرەك.
«ۇجىمداعى ميكروكليماتقا وتە مۇقيات بولۋ كەرەك. تالاپ بولادى. تالاپتىڭ بارلىعى زاڭ شەڭبەرىندە كويىلۋى كەرەك. ءاربىر ءمۇعالىم ءوزىنىڭ الدىنداعى بالاعا ساپالى ءبىلىم بەرۋگە ۇمتىلۋعا ءتيىس. ارتىق، زاڭ شەڭبەرىنەن تىس قۋدالاۋلار نەمەس باسقا دا دۇنيەلەردى جاسۋدى دوعارۋ كەرەك»، - دەيدى عاني بەيسەمبايەۆ.