پاريج بيلىگى وليمپيادا كەزىندە مەترو بيلەتىنىڭ باعاسىن ەكى ەسەگە جۋىق كوتەرۋگە شەشىم قابىلدادى. ياعني ونىڭ قۇنى 2،10 ەمەس، 4 ەۆرو بولادى، دەپ حابارلايدى اlmaty-akshamy.kz Euronews-كە سىلتەمە جاساپ.
قوعامدىق كولىكتى رەتتەيتىن يل-دە-فرانس باسشىسى ۆالەري پەكرەسستىڭ سوزىنشە، جەرگىلىكتى تۇرعىندار ءۇشىن باعا وزگەرمەيدى، ال قوناقتارعا بيلەتتى 20 شىلدەگە دەيىن ساتىپ الۋ ۇسىنىلادى.
تاريفتەردىڭ قىمباتتاۋى كولىك قىزمەتىنە جۇكتەمەنىڭ كۇرت ارتاتىنىمەن ءتۇسىندىرىلدى. ول وڭىرگە 200 ملن ەۋرو شىعىن اكەلەدى. وسىلايشا بيۋدجەت شىعىنى تۋريستەردىڭ قالتاسىنان تولىقتىرىلادى.
«وليمپيادا جانە پاراليمپيادا وتكىزۋگە بايلانىستى Île-de-France Mobilités كومپانياسى كولىك قىزمەتى كولەمىن ەكى ەسە ارتتىرادى. قوسىمشا شىعىندى پاريج حالقىنىڭ موينىنا ارتۋعا بولمايدى. سول سەبەپتى جاڭا جول ءجۇرۋ اقىسىن ەنگىزبەكپىز. كۇنىنە 16 ەۋرو – ادىلەتتى باعا. 20 شىلدە مەن 8 قىركۇيەك ارالىعىندا ءبىر اپتالىق جول ءجۇرۋ بيلەتى 70 ەۋروعا دەيىن، مەترو بيلەتى – 4 ەۋرو، ال قالا سىرتىنا باراتىن ەلەكترلىك كولىكتەرگە 6 ەۋرو بولادى»، - دەدى پەكرەسس بەينەۇندەۋىندە.
بولجام بويىنشا، 2024 جىلعى وليمپيادا ويىندارى كەزىندە فرانسيا استاناسىنا 10 ميلليون تۋريست كەلەدى. پارلامەنت ەسەبىنە ساي، ءوڭىر 5-10 ميلليارد ەۋرو ارالىعىندا تابىسقا كەنەلۋى مۇمكىن.
ايتا كەتەيىك، فرانسيادا جازعى ويىندار 26 شىلدە – 11 تامىز ارالىعىندا وتەدى.