الماتى قالاسى جاستار ساياساتى باسقارماسىنىڭ قولداۋىمەن، «رۋح جاڭعىرىعى» قوعامدىق قورىنىڭ ۇيىمداستىرۋىمەن «ينتەرنەتكە تاۋەلدىلىك جانە قۇمار ويىندارىنىڭ الدىن الۋ» جوباسى بويىنشا «لۋدومانياعا قارسى كۇرەستەگى وزەكتى ماسەلەلەر» تاقىرىبىندا «دوڭگەلەك ۇستەل» ءوتتى.
جيىنعا الماتى قالاسى ءماسليحاتىنىڭ دەپۋتاتى ەركىن راقىشيەۆ، ءال-فارابي اتىنداعى قازاق ۇلتتىق ۋنيۆەرسيتەتىنىڭ فيلوسوفيا كافەدراسىنىڭ اعا وقىتۋشىسى ءابدىراشيت باكىرۇلى، مادەنيەتتانۋشى بەردالى وسپان مەن پسيحولوگ ماماندار قاتىسىپ، جاستار اراسىندا بەلەڭ العان قۇمار ويىننىڭ سالدارى مەن ونلاين كازينولارمەن كۇرەس جولى ايتىلىپ، اتقارىلعان ءىس- شارالار تالقىلاندى.
«قازاقستان بويىنشا 350 مىڭنان استام ادام وسى دەرتكە شالدىققان. بالالار مەن جاستار عانا ەمەس، ۇلكەندەر دە قۇمار ويىنعا بەرىلىپ، ءوزىن قوعامنان جوعالتىپ الىپ جاتادى. بۇل جوبانىڭ اياسىندا ءبىرشاما جۇمىس اتقارىلدى. جاستارمەن جۇزبە-جۇز كەزدەسىپ، ءىس-شارالار ءجيى ۇيىمداستىرىلۋ كەرەك»، – دەدى «رۋح جاڭعىرىعى» قوعامدىق قورىنىڭ مۇشەسى مۇحامەدجان توقتاعۇل ۇلى.
تاقىرىپقا وراي
نۇرسۇلتان بەكقايىروۆ، الماتى قالاسى جاستار ساياساتى باسقارماسى جاستار باستامالارىن قولداۋ ءبولىمى جەتەكشىسىنىڭ مىندەتىن اتقارۋشى:
تۇسىندىرمە جۇمىستارى ءجيى جۇرگىزىلەدى
جاستار ساياساتىنىڭ باستاماسىمەن ينتەرنەت تاۋەلدىلىك پەن لۋدومانياعا بايلانىستى بىرنەشە ءىس-شارا ءوتتى. 100-گە جۋىق زاڭسىز سايت انىقتالىپ، پوليسياعا حابارلاندى. وسى جۇمىسپەن اينالىساتىن ارنايى ماماندار كۇدىكتى سايتتاردىڭ زاڭسىز ەكەنىن انىقتاپ، ولاردىڭ ليسەنزياسى بار-جوعىن تەكسەرۋ ءۇشىن پوليسيا دەپارتامەنتىنە جىبەردىك. قالاداعى 20 ۋنيۆەرسيتەت پەن 20 كوللەدجدە، بازاردا جۇمىس ىستەيتىن جاستارعا لۋدومانيانىڭ زيانى تۋرالى تۇسىندىرمە جۇمىستارى جۇرگىزىلدى. وسى ماقساتتا ءتۇرلى جوبالار قولعا الىنادى دەگەن سەنىمدەمىن.