عالىمدار بوتەلكەدەگى سۋ قۇرامىندا نانوپلاستيكتىڭ وتە كوپ ەكەنىن انىقتادى

ول ءۇشىن عالىمدار بوتەلكەدەگى سۋدىڭ تانىمال ءۇش ماركاسىنىڭ بەس ۇلگىسىن زەرتتەگەن. 

ياعني بوتەلكەدەگى سۋدا بولشەكتەردىڭ سانى ليترىنە 110 000-نان 400 000-عا دەيىن وزگەرەتىنىن، ورتاشا ەسەپپەن 240 000-عا جۋىق ەكەنىن انىقتادى.

ورتاشا العاندا، ءبىر ليتر بوتەلكەدەگى سۋدىڭ شامامەن تورتتەن ءبىر ميلليونى نانوپلاستيكالىق بولشەكتەر. كوزگە كورىنبەيتىن ۇساق  بولشەكتەر قوس لازەرلى ميكروسكوپتىڭ كومەگىمەن انىقتالعان.

كولۋمبيا جانە راتگەر ۋنيۆەريتەتتەرىنىڭ زەرتتەۋشىلەرى تانىمال ءۇش ماركانىڭ بوتەلكەدەگى سۋ ۇلگىلەرىنەن ميكروپلاستيكاعا قاراعاندا نانوپلاستيكانىڭ 10-100 ەسە كوپ ەكەنىن انىقتادى.

عالىمدار سۋ ماركالارىن اتاماۋدى ءجون كورەدى، ويتكەنى ولار كەڭىرەك زەرتتەۋ جۇرگىزىپ، باسقا برەندتەردىڭ ۇلگىلەرىن زەرتتەگىسى كەلەدى.

«مەنىڭ ايتپاعىم، ءبىز ولاردى [نانوپلاستيكالىق بولشەكتەردى] كورسەك تە، كورمەسەك تە، ولار بار. سوندىقتان ولاردىڭ قانشا ەكەنىن جانە ولاردىڭ قانداي ەكەنىن بىلسەك جاقسى. ءبىراق مەن ءوزىم عالىم رەتىندە توكسيكولوگيالىق زەرتتەۋ جوسپارىندا ونىڭ ءوز اعزاما قانشالىقتى زياندى ەكەنىن ءبىلۋ ءۇشىن كوبىرەك دەرەكتەر العىم كەلەدى»، - دەيدى زەرتتەۋدىڭ جەتەكشى اۆتورى نايسين سيان.

«نانوپلاستيكالىق بولشەكتەر دەنساۋلىققا زيان با؟» دەگەن باستى ساۋالعا عالىمدار ءالى دە ناقتى جاۋاپ تاپپادى.

ساراپشىلاردىڭ پىكىرى جاڭا زەرتتەۋ ىقتيمال تاۋەكەلدەردى جاقسىراق تۇسىنۋگە جول اشادى دەگەنگە سايادى، ءبىراق ازىرگە ولار بۇل تۋرالى ناقتى ايتۋعا جانە دابىل قاعۋعا ءالى ەرتە دەپ سەندىرەدى.