مينيستر ۇبت-2024-كە قاتىستى مالىمدەمە جاسادى
قازاقستان رەسپۋبليكاسىنىڭ عىلىم جانە جوعارى ءبىلىم ءمينيسترى ساياسات نۇربەك ۇلتتىق ءبىرىڭعاي تەستىلەۋگە (ۇبت) قاتىستى مالىمدەمە جاسادى، دەپ حابارلايدى اlmaty-akshamy.kz.
عىلىم مينيسترلىگىنىڭ باسشىسى ءوزىنىڭ Telegram-ارناسىندا بولاشاق ستۋدەنتتەرگە ۇندەۋ جاريالادى.
"سىزدەر ءۇشىن ۇبت-2024 وزگەرىسسىز قالاتىندىعىن قۋانا حابارلايمىن. تەستىلەۋدە سىزدەر تەك ەكى ءپان تاپسىراسىزدار: قازاقستان تاريحى (20 تاپسىرما، شەكتى بالل – 5) جانە وقۋ ساۋاتتىلىعى (10 تاپسىرما، شەكتى بالل – 3). تاپسىرمالاردى ورىنداۋ ۋاقىتى – 70 مينۋت. ال شىعارماشىلىق ەمتيحاندار جوعارى وقۋ ورىندارىندا وتەدى"، - دەدى ساياسات نۇربەك
بۇل شەشىم تالاپكەرلەردىڭ قالاۋى مەن بەيىندى ۆەدومستۆولاردىڭ ساراپتامالىق پىكىرى نەگىزىندە قابىلداندى.
"قورىتىندىلاي كەلە، وتكەن جىلى ق ر عىلىم جانە جوعارى ءبىلىم مينيسترلىگى نەگىزگى ۇبت-نى ەكى رەت تاپسىرىپ، ۇزدىك ناتيجەمەن گرانت تاعايىنداۋ كونكۋرسىنا قاتىسۋ مۇمكىندىگىن رەسمي تۇردە بەكىتكەنىن ەسكە سالامىن"، - دەيدى ساياسات نۇربەك
ەگەر اقىلى نەگىزدە ءتۇسۋ ءۇشىن ۇبت تاپسىرۋدىڭ تاعى ءۇش مۇمكىندىگى (قاڭتار، ناۋرىز، تامىز) بار ەكەنىن ەسكەرەتىن بولساق، وندا 2024 جىلعى تالاپكەرلەر تەستىلەۋدەن بەس رەت وتە الادى.