مەن، جالپى، مەملەكەت باسشىسى قاسىم-جومارت كەمەل ۇلىنىڭ بارلىق باستامالارىن قولدايمىن. ونىڭ ىشىندە پارتيانىڭ «امانات» دەپ اتالۋى – ۇلكەن باستاما، دۇرىس شەشىم.
حالىقتىڭ، ەلدىڭ ءۇمىتىن، ارمانىن ارقالاعان پارتيا بولاتىنىنا سەنىم ارتامىن. ەل سەنىمىن اماناتتاپ تاپسىراتىن پارتيا «اماناتقا قيانات جاسايدى» دەپ ويلامايمىن. سول سەبەپتەن بۇل باستاما ەل ءۇشىن ۇلكەن قادام بولىپ وتىر.
تاعى ءبىر ايتا كەتەتىن جاعداي، حالىقتىڭ اماناتىنان بولەك، پارتياعا دا، بيلىككە دە قاتاڭداۋ بولۋى كەرەك دەپ ويلايمىن. سەبەبى، قازاقتا «قامىستى بوس ۇستاساڭ، قولىڭدى كەسەدى» دەگەن ءسوز بار.
سوندىقتان، جاڭا اتاۋعا يە بولعان پارتيامىزدىڭ بولاشاعىنان زور ءۇمىت كۇتىپ، كەلەشەكتە دۇرىس باستامالار ۇسىنىپ، كەمەلدى شەشىم قابىلدايتىنىنا سەنەمىن!