بۇگىنگى كەزەكتەن تىس سەزدە Nur Otan پارتياسىنىڭ اتى Amanat بولىپ وزگەرۋى – پارتيانىڭ تۇبەگەيلى رەبرەندينگى دەپ تۇسىنەمىز. ياعني، ۇيىمنىڭ تەك اتى اۋىسىپ قانا قويماي، ىشكى قۇرىلىمىندا دا ءبىرقاتار وزگەرىستەر ورىن الۋى كەرەك.
قازاقتا «اماناتقا قيانات جاساما» دەگەن ءسوز بار. وسى ناقىلعا سۇيەنە وتىرىپ، Amanat پارتياسى حالىقتىڭ نيەت-تىلەكتەرىن ەسكەرىپ، ءوز مىندەتىن مۇلتىكسىز اتقارادى دەپ سەنەمىز. سونىمەن قاتار پارتيا جينالىسىندا پرەزيدەنتىمىز قاسىم-جومارت توقايەۆ بيۋروكراتيانىڭ كوزىن جويۋ كەرەكتىگىن ناقتى بەلگىلەدى.
بۇل ماسەلە ءبىراز جىلدان بەرى تالقىلانىپ، شەشىمىن تاپپاي كەلەدى. سوندىقتان وسى ماسەلە الداعى ۋاقىتتا تولىق شەشىلىپ، Amanat پارتياسى زاماناۋي سيفرلانعان جۇيەمەن جۇمىس ىستەيدى دەپ ويلايمىن.
ەل پرەزيدەنتى باسشىلاردىڭ ماسەلەنى ءوز كابينەتتەرىندە ەمەس، حالىق ورتاسىندا، ەلمەن ءجۇرىپ شەشۋ كەرەكتىگىن ايتتى. حالىقپەن تىكەلەي بايلانىس ورناتىپ، اشىق جۇمىس ىستەۋدىڭ ماڭىزىن ەسكەرتتى.
جينالىستا انتيرەسەيلىك سانكسيالاردىڭ قازاقستانعا اسەرى دە تالقىلانىپ ءوتتى. قاسىم-جومارت توقايەۆ بۇل ماسەلەدە ۇكىمەتكە ناقتى شارالار قابىلداپ، ەكونوميكالىق تۇراقتىلىقتى ساقتاۋ ءۇشىن جوسپار قۇرۋدى تاپسىردى. وسى جوسپاردىڭ ناقتى ساتىلارىن مەملەكەت باسشىسى 16 ناۋرىزدا جاريالايتىن ءوز جولداۋىندا انىقتاپ ايتادى دەپ كۇتەمىز.