ەۋروپالىق ورتالىق بانك پايىزدىق مولشەرلەمەنى ونىنشى رەت كوتەرگەلى جاتىر.
بۇل تۋرالى قارجىلىق ۇيىمنىڭ باسشىلىعى مالىمدەدى، دەپ حابارلايدى Almaty-akshamy.kz.
24.kz حابارلاۋىنشا، اتالعان شارا ينفلياسيانىڭ ءوسۋ قارقىنىن 2 پايىز دەڭگەيىندە ۇستاپ تۇرۋعا باعىتتالماق. ازىرگە بۇل مەجە 5 پايىز. اقش-تىڭ فەدەرالدىق رەزەرۆ جۇيەسى دە وسى ساياساتتى ۇستانباق نيەتتە. ولار بيىل مولشەرلەمەنى 12-رەت كوتەرەدى. فەدەرالدىق رەزەرۆ جۇيەسىنىڭ باسشىسى دجەروم پاۋەلل قاتاڭ ەكونوميكالىق ساياسات جۇرگىزۋ – ماسەلەنى شەشۋدىڭ بىردەن ءبىر جولى دەپ مالىمدەدى.
«فەدەرالدىق رەزەرۆ جۇيەسىنىڭ مىندەتى – ينفلياسيا ءوسىمىنىڭ قارقىنىن 2 پايىزعا دەيىن تومەندەتۋ. سوڭعى كەزدە ءبىز قارجىلىق ساياساتتى ەداۋىر قاتاڭداتتىق. ينفلياسيا شىرقاۋ شەگىنە ءالى جەتپەسە دە، قازىرگى قالپى ءبىز ءۇشىن تىم جوعارى بولىپ سانالادى. قاجەت بولسا، ءبىز مولشەرلەمەنى ءارى قاراي دا كوتەرۋگە دايىنبىز»، - دەيدى فەدەرالدىق رەزەرۆ جۇيەسىنىڭ ءتوراعاسى دجەروم پاۋەلل.