الماتىدا تەرگەۋ يزولياتورىنداعى سوتتالعاندار اراسىندا سپورتتىق جارىس ءوتتى

الماتىدا تەرگەۋ يزولياتورىنداعى سوتتالعاندار اراسىندا كونستيتۋسيا كۇنىنە ارنالعان مەرەكەلىك ءىس-شارا وتكىزىلدى.

الماتى قالاسى قىلمىستىق-اتقارۋ جۇيەسى دەپارتامەنتىنىڭ №72 مەكەمەسىندەگى شارۋاشىلىق قىزمەتىندەگى سوتتالعاندار اراسىندا كونستيتۋسيا كۇنىنە ارنالعان مەرەكەلىك ءىس-شارا وتكىزىلدى، دەپ حابارلايدى Almaty-akshamy.kz Polisia.kz-كە سىلتەم جاساپ. 

سالتاناتتى مەرەكە قازاقستان رەسپۋبليكاسىنىڭ انۇرانىمەن باستالىپ، سوتتالعانداردىڭ اتا زاڭ تۋرالى ولەڭدەرىن وقۋعا جالعاستى.

«№72 مەكەمەسىندە 50 ادام ءوز جازالارىن شارۋاشىلىق قىزمەتىندە جۇمىس ىستەپ وتەپ جاتىر. شارۋاشىلىق قىزمەتىنە العاش رەت جەڭىل قىلمىس جاساعاندار ىرىكتەلىپ الىنادى. ولاردىڭ اراسىندا ءارتۇرلى ماماندىق يەلەرىمەن قاتار، وزدەرىنىڭ ونەرىمەن دە ەرەكشەلەنەتىن سوتتالعاندار بار. ەلىمىزدىڭ اتا زاڭى قابىلدانعان كۇنگە ارنالعان مەرەكەدە ولار تەك ونەرلەرىن عانا ەمەس، سپورتتىق شەبەرلىكتەرىن دە كورسەتتى»، – دەيدى سوتتالعاندار اراسىندا الەۋمەتتىك-پسيحولوگيالىق تاربيە ءبولىمىنىڭ باستىعى كادىربەك تۇرلىبەكوۆ.

مەرەكە سوڭى سوتتالعاندار اراسىنداعى سپورتتىق جارىسقا ۇلاستى. تۋرنيككە تارتىلۋ جانە كەۋدەنى جەردەن كوتەرۋدەن جارىسقا تۇسكەن سوتتالعاندار اراسىندا ەڭ ۇزدىكتەر انىقتالدى.