ماماندار كەلىسسوز جۇرگىزدى.
قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى ولجاس بەكتەنوۆ ورتالىق ازيا بويىنشا ارنايى وكىل تەري حاكال باستاعان ەۋرووداق دەلەگاسياسىمەن كەلىسسوز جۇرگىزدى، دەپ حابارلايدى Almaty-akshamy.kz.
«كەزدەسۋ بارىسىندا ANTIKOR باسشىسى دەلەگاسيانى 2022-2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىنىڭ نەگىزگى باعىتتارىمەن تانىستىردى. اتاپ ايتقاندا، تاراپتار زاڭسىز بايۋ ءۇشىن زاڭنامالىق جاۋاپكەرشىلىكتى ەنگىزۋ جانە كىرىستەر مەن شىعىستاردى جالپىعا بىردەي دەكلاراسيالاۋ ماسەلەلەرىن تالقىلادى»، - دەلىنگەن سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتىنىڭ حابارلاماسىندا.
جيىن بارىسىندا بيزنەستى قورعاۋ ماسەلەلەرى دە سارالاندى.
ەۋروپالىق ارىپتەستەر ەلدىڭ سىبايلاس جەمقورلىققا قارسى ساياساتىنىڭ ەكپىنىن وڭ باعالاپ، گرەكو-نىڭ حالىقارالىق سىبايلاس جەمقورلىققا قارسى ستاندارتتارى مەن وزىق تاجىريبەلەرىنە سايكەستىگىنە ەرەكشە ۇمتىلىسىن اتاپ ءوتتى.
دامۋدىڭ ماڭىزدى ۆەكتورى قازاقستاننىڭ سىبايلاس جەمقورلىق ءۇشىن قىلمىستىق جاۋاپكەرشىلىك تۋرالى ەۋروپا كەڭەسىنىڭ كونۆەنسياسىنا قوسىلۋعا دايىندىعى اتاپ ءوتىلدى.
«اگەنتتىكتىڭ ەۋروپالىق سەرىكتەستەرمەن ءوزارا ءىس-قيمىل ماسەلەلەرىندە اشىقتىعى مەن دايىندىعىن ەرەكشە اتاپ وتكىم كەلەدى. ءبىز ءوز تاراپىمىزدان قازاقستاننان ەۋروپاعا شىعارىلعان اكتيۆتەردى قايتارۋ تۋرالى سۇرانىستارعا قولداۋ كورسەتۋگە دايىنبىز»، - دەدى تەري حاكالا ءوز سوزىندە.
كەزدەسۋدە قاڭتار وقيعالارىنا بايلانىستى ازاپتاۋ تۋرالى مالىمدەمەلەرگە قاتىستى ىستەردى تەرگەۋ ماسەلەسى قاراستىرىلدى.
«قازىرگى ۋاقىتتا 171 ءىس اياقتالدى. 177 ءىس بويىنشا تەرگەۋ جالعاسۋدا. ستامبۋل حاتتاماسىنىڭ بارلىق تالاپتارى ساقتالۋدا»، - دەپ تۇيىندەدى ولجاس بەكتەنوۆ.