مامان تەرى قاتەرلى ىسىگىن ۋاقىتىندا قالاي تانۋعا بولاتىنىن ءتۇسىندىردى.
الماتى دەرماتولوگتارى توتىعۋ ءقاۋپى تۋرالى ايتتى، دەپ حابارلايدى Almaty-akshamy.kz اوو باسپا ءسوز قىزمەتىنە سىلتەمە جاساپ.
الماتى ونكولوگيالىق ورتالىعىنىڭ دەرماتولوگ-ونكولوگى ەرلان اسەتيللانىڭ ايتۋىنشا، كۇن ساۋلەسىندە ارينە جۇرۋگە بولادى، ءبىراق كەيبىر شارالاردى ءوز دەنساۋلىعىڭىزعا زيان كەلتىرمەۋ ءۋشىن ءبىلۋىڭىز كەرەك!
دارىگەردىڭ سوزىنە جۇگىنسەك، كۇن ساۋلەسىنىڭ پايداسى مول، ول كوڭىل-كۇيدى جاقسارتادى، ويتكەنى ءبىزدىڭ اعزامىزدا D دارۋمەنى پايدا بولادى. ءبىراق دارىگەر اتاپ وتكەندەي، شامادان تىس ۋلتراكۇلگىن ساۋلەسى دەنساۋلىققا كانسەروگەنتى اسەر ەتۋى مۇمكىن. سوندىقتان كۇننىڭ ۋلتراكۇلگىن ساۋلەلەنۋى نەمەسە كۇنگە كۇيىپ قالۋىنىڭ جاساندى كەزىندە (جاساندى توتىعۋ جابدىعى) تەرىدە قاتەرلى ىسىككە دەيىنگى وزگەرىستەر پايدا بولۋى مۇمكىن.
«توتىعۋ كەزىندە ءسىز كولەڭكە تابۋىڭىز كەرەك جانە دە تاڭەرتەڭ نەمەسە كەشكە( تاڭەرتەڭگى 10-عا دەيىن جانە كۇندىزگى 17-دەن كەيىن) كۇنگە توتىعۋىڭىزعا بولادى. ال تاپاتال ءتۇس كەزىندە، كۇن ساۋلەسى اسا مىقتى ۋاقىتتا ءوزىڭىزدى قورعاۋ كەرەكسىز. ەڭ جاقسى قورعانىس: باس كيىم، كوزىلدىرىك، قولشاتىرلار، ۇزىن جەڭدەڭدى كيىمدەر، كولىڭكە جانە ت. ب. ءبىراق، ەسىڭىزدە بولسىن، كرەمدەر تەرىنىڭ قاتەرلى ىسىكتەرىنىڭ پايدا بولۋ ءقاۋپىن تومەندەتپەيدى. ولار تەرىنى كۇن ساۋلەسىنەن قورعايدى، ءبىراق ونىن كۇشى از. ال دۇرىس تاڭدالعان كيىم قاتەرلى ىسىكتىڭ دامۋ ءقاۋپىن تومەندەتەدى»، - ەسكەرتتى دارىگەر ەرلان مىرزا.
ونكولوگ كۇننىڭ كۇيىپ قالۋى ءقاۋىپتى ەكەنىن ءتۇسىندىردى.
«كۇيىك-بۇل ءىز-تۇسسىز كەتپەيتىن جاراقات. قاتەرلى ىسىك ءبىر – ەكى كۇندە پايدا بولمايدى، بۇل وتە ۇزاق ساتىلى پروسەسس. ساۋ جاسۋشانىڭ قاتەرلى ىسىككە اينالۋى ءۇشىن ونىڭ گەنەتيكالىق ىشكى قۇرىلىمىندا بىرنەشە رەت وزگەرىس بولۋى كەرەك. كەيدە ول ونداعان جىلدارعا سوزىلادى»، - دەپ ءتۇسىندىردى ول.
سونداي-اق، دارىگەر تەرى قاتەرلى ىسىگىنىڭ ءبىرىنشى كەزەڭىندە بارلىق ناۋقاستاردىڭ 96-99%-ى تولىق ەمدەلەتىنىن اتاپ ءوتتى.
كوپ جاعدايدا بۇل ىسىكتەر حيرۋرگيالىق ادىسپەن نەمەسە فوتوديناميكالىق تەراپيامەن ءساتتى ەمدەلەدى.
«ەمدەۋ ءادىسىن تاڭداۋ ىسىكتىڭ مولشەرىنە جانە ونىڭ ورنالاسۋىنا بايلانىستى. ەمدەۋدىڭ ساتتىلىگى تەرى قاتەرلى ىسىگىنىڭ ەرەكشەلىكتەرىمەن ساتىسىنا، ىسىك مولشەرىنە، مەتاستازالاردىڭ بولۋىنا نەمەسە بولماۋىنا بايلانىستى. ەگەر ناۋقاس اۋرۋدىڭ باستاپقى كەزەڭدەرىندە دارىگەرگە جۇگىنسە، وندا اۋرۋ تولىعىمەن ءجۇز پايىز جاعدايدا ەمدەلەدى، - دەپ قورىتىندىلادى مامان.