قوستانايعا جۇمىس ساپارى بارىسىندا ونەركاسىپ جانە قۇرىلىس ءمينيسترى ە.ناعاسپايەۆ وڭىردەگى ءبىرقاتار وندىرىستىك نىسانداردى ارالادى.
مينيستر يندۋستريالدى ايماقتاعى Kia اۆتوموبيل شىعاراتىن زاۋىتتىڭ قۇرىلىسىمەن تانىستى. Kia Qazaqstan كاسىپورنى 1500 جۇمىس ورنىن قۇرىپ، CKD ءادىسى بويىنشا 3 مودەلدى (Sorento، Sportage، Cerato) جانە SKD قۇراستىرۋىن قولداناتىن 10 مودەلدى شىعارۋدى جولعا قويادى. ونۆڭ جوبالىق قۋاتى جىلىنا 70 مىڭ اۆتوكولىككە دەيىن جەتەدى. زاۋىت 2025 جىلدىڭ قازان ايىندا ىسكە قوسىلادى دەپ جوسپارلانۋدا.
سونداي-اق ە.ناعاسپايەۆ «KamLitKZ» ج ش س شويىن قۇيۋ زاۋىتىندا جانە سالىنىپ جاتقان جەتەك وستەرىنىڭ باس بەرىلىستەرىن شىعاراتىن زاۋىتتا بولدى. قۇيۋ ءوندىرىسىنىڭ قۋاتتىلىعى جىلىنا 45 مىڭ تونناعا دەيىن جەتەدى، رەدۋكتورلار (جىلىنا 74 مىڭ دانا) ءوندىرىسىن ىسكە قوسۋ 2025 جىلدىڭ ەكىنشى جارتىسىندا كۇتىلۋدە.
اۆتوكولىك قۇرامداس بولىكتەرىنىڭ بازاسىن دامىتۋ اياسىندا مينيستر «TEHNOPARK» شاعىن يندۋستريالىق ايماعىنىڭ قىزمەتىمەن تانىستى، مۇندا قۋاتتىلىعى جىلىنا 60 مىڭ قۇرامداس بولىككە دەيىنگى وقشاۋلاۋ ورتالىعىن سالۋ جوسپارلانۋدا. سونداي-اق «ProProduction 10» اۆتوكومپونەنتتەرى زاۋىتى مەن «توبىل» تمك «قۇرعاق پورت» لوگيستيكالىق كەشەنىن سالۋ جوبالارى تانىستىرىلدى.
مينيستر «Allur» زاۋىتىنىڭ قىزمەتىمەن، سونداي-اق جۇمىسشىلار مەن ستۋدەنتتەرگە ارنالعان جاتاقحانا قۇرىلىسىنىڭ بارىسىمەن تانىستى. بيىلعى جىلدىڭ العاشقى 4 ايىندا زاۋىتتا JAC، Chevrolet، Kia، Jetour جانە Skoda ماركالى 25 مىڭعا جۋىق اۆتوكولىك شىعارىلدى. قازىرگى ۋاقىتتا مودەلدەردى وقشاۋلاۋ بويىنشا جاڭا جوبالار جۇزەگە اسىرىلۋدا.