قازاقستانداعى وڭىرلىك جۋرناليستيكانى دامىتۋ مەن ارىپتەستەر اراسىنداعى بايلانىستى نىعايتۋ باعىتىندا باس رەداكتورلار كلۋبى ەلىمىزدىڭ ستراتەگيالىق ماڭىزى زور ءارى رەسپۋبليكالىق ارنايى ستاتۋسى بار الماتى قالاسىنا رەسمي وكىل تاعايىندادى.
ەندى الماتىداعى مەدياجوبالاردى جۇزەگە اسىرۋعا بەلگىلى مەديامەنەدجەر، «Alatau Aqparat» مەدياحولدينگىنىڭ باس ديرەكتورى ەرجان قالىمباي ۇلى جاۋاپتى بولادى.
ەرجان قالىمباي ۇلى – وتاندىق جۋرناليستيكانىڭ تانىمال وكىلدەرىنىڭ ءبىرى. ول تۇرىك جانە اعىلشىن تىلدەرىن مەڭگەرگەن، ىستامبۇل ۋنيۆەرسيتەتىنىڭ (تۇركيا) دوكتورانتى. ەڭبەك جولىن قاراعاندى وبلىستىق «ورتالىق قازاقستان» گازەتىندە قاتارداعى ءتىلشى بولىپ باستاعان. كەيىن «قازاقستان رترك» اق قاراعاندى وبلىستىق فيليالىندا، «جەبە» جانە «ايقىن» رەسپۋبليكالىق گازەتتەرىندە، «حابار اگەنتتىگى» اق، «Qazaq radiosy»، «ەلارنا» تەلەارناسىندا ءتۇرلى لاۋازىمداردا قىزمەت اتقاردى.
سونىمەن قاتار، ول حالىقارالىق ۇيىمداردا جانە مەملەكەتتىك قىزمەتتە تاجىريبە جيناعان. بۇعان قوسا، «ULYS» حالىقارالىق ديدجيتال جۋرنالى مەن ulys.kz اقپاراتتىق-ساراپتامالىق سايتىنىڭ نەگىزىن قالاۋشى ءارى باس رەداكتورى بولدى.
2023 جىلدان بەرى ەرجان قالىمباي ۇلى «Alatau Aqparat» مەدياحولدينگىنىڭ باس ديرەكتورى قىزمەتىن اتقارىپ كەلەدى. حولدينگ قۇرامىنا «Almaty Aqshamy» جانە «ۆەچەرنيي الماتى» گازەتتەرى، سونداي-اق aqshamnews.kz، vecher.kz جانە alnews.kz سايتتارى كىرەدى.