eGov Mobile ءموبيلدى قوسىمشاسىندا "كرەديتتىك جانە ساقتاندىرۋ تاريحى بويىنشا نۇسقاۋلىق" اتتى جاڭا سەرۆيس ىسكە قوسىلدى، دەپ حابارلايدى aqshamnews.kz
بۇل تۋرالى 2024 جىلعى 21 قاراشادا "ۇلتتىق اقپاراتتىق تەحنولوگيالار" اق مالىمدەدى.
ەندى پايدالانۋشىلار وزدەرىنىڭ نەسيە الۋ جانە ساقتاندىرۋ تاريحىن قاداعالاپ، جالپى كرەديتتىك قابىلەتتىلىك دەڭگەيىن ونلاين باعالاي الادى.
بۇل قىزمەت "مەملەكەتتىك نەسيە بيۋروسى" اق مالىمەتتەرى بويىنشا اقپارات بەرەتىن "نەسيە بەرۋ" جانە "ساقتاندىرۋ" دەگەن ەكى بولىمنەن تۇرادى. "نەسيە بەرۋ" بولىمىندە پايدالانۋشىعا كەيىنگى بەس جىلداعى نەسيە تاريحى تۋرالى ەسەپ، بەلسەندى نەسيەلىك مىندەتتەمەلەر تۋرالى اقپارات جانە سكورينگتىك بالل (پايدالانۋشىنىڭ نەسيەلىك قابىلەتتىلىك دەڭگەيىنىڭ كورسەتكىشى) ۇسىنىلادى، – دەلىنگەن حابارلامادا.
ەگەر الىنعان مالىمەتتەر بويىنشا سۇراقتار تۋىنداسا، پايدالانۋشى تىكەلەي كرەديت بەرۋشىگە نەمەسە ساقتاندىرۋ كومپانياسىنا جۇگىنۋى قاجەت. جاڭا سەرۆيستىڭ بارلىق فۋنكسيالارى تەگىن بەرىلەدى، بۇل eGov Mobile پايدالانۋشىلارى ءۇشىن "كرەديتتىك جانە ساقتاندىرۋ تاريحى بويىنشا نۇسقاۋلىق" قولجەتىمدى ەتەدى.