الماتىدا 55 جىلدىق تاريحى بار وقۋشىلار ءۇيى جاڭا عيماراتقا يە بولادى.
بوستاندىق اۋدانىن ارالاۋ بارىسىندا الماتى اكىمى ەربولات دوسايەۆ قوسىمشا ءبىلىم بەرۋ ماسەلەسىنىڭ شەشىمىمەن، ونىڭ ىشىندە جەكە كاپيتالدىڭ قاتىسۋىمەن تانىستى. اكىم ۆاحتانگوۆ كوشەسىندەگى №3 وقۋشىلار ءۇيىنىڭ جاڭا عيماراتىنىڭ قۇرىلىس الاڭىندا بولدى، دەپ حابارلايدى aqshamnews.kz.
قالانىڭ قۇرىلىس باسقارماسىنىڭ باسشىسى الماس شابداربايەۆ نىساننىڭ 80 پايىزدىق دايىن ەكەنىن باياندادى. بۇرىنعى اپاتتى دەپ تانىلعان جەردە زاماناۋي ەكى قاباتتى عيمارات سالىنۋدا، شىعارماشىلىققا ارنالعان 12 كابينەت، ءدارىسحانالار، ءتىپتى اۋلانىڭ ىشىندەگى ب ا ق تا بولادى.
اپتا سايىن وقۋشىلار ۇيىندە 5-17 جاس ارالىعىنداعى 2 مىڭ بالا وقي الادى. ولار ءۇشىن دەبات كلۋبى، باعدارلامالاۋ، 3D-مودەلدەۋ، قۇراستىرۋ، فوتو-، ۆيدەومونتاج بويىنشا ۇيىرمەلەر جۇمىس ىستەيدى. بالالار شەشەندىك، ساندىك-قولدانبالى جانە بەينەلەۋ ونەرىن مەڭگەرەدى.
قۇرىلىسشىلاردىڭ ايتۋىنشا، ولار كەلەسى جىلدىڭ 15 قاڭتارىنا دەيىن نىساننىڭ «كىلتىن» تاپسىرۋعا نيەتتى. ەربولات دوسايەۆ اسىعىستىقتىڭ قاجەت ەمەس ەكەنىن،بالالار ءۇشىن بارىنشا قولايلى جاعدايلار جاسالۋى، بارلىق جابدىقتار ورناتىلىپ، قوسىلىپ، اۋماق اباتتاندىرىلۋى ءتيىس ەكەنىن اتاپ ءوتتى.
«بوستاندىق اۋدانىنىڭ سولتۇستىك بولىگى ءۇشىن بۇل بالالار شىعارماشىلىعى ورتالىعى وتە ماڭىزدى. ءقازىر بالالار مەكتەپتەردە وقيدى، ءبىراق كەلەسى جىلى وسىندا كەلەدى. ءبىز وسىنداي عيماراتتاردى بارلىق بالالاردى تەڭ مۇمكىندىكتەرمەن قامتاماسىز ەتۋ ءۇشىن ينكليۋزيا تالاپتارىن ەسكەرە وتىرىپ قولجەتىمدى ەتۋ مىندەتىن العا قويعانبىز»، - دەدى ەربولات دوسايەۆ.
№ 3 وقۋشىلار ءۇيى 55 جىل بۇرىن قۇرىلعان، 1987 جىلى ۆاحتانگوۆ كوشەسى 2-2ا كوشەسىنە كوشكەن.عيمارات سەيسميكالىق قاۋىپسىزدىك تالاپتارىنا سايكەس كەلمەدى، اكت زالى اپاتتى جاعدايدا بولدى. جوبالىق قۋاتى 650 ورىندىق، مۇندا 1747 وقۋشى وقىدى. قۇرىلىس كەزىندە ۇيىرمەلەر اۋدان مەكتەپتەرىنە ۋاقىتشا ءبولىندى.
وسكەلەڭ ۇرپاقتىڭ شىعارماشىلىق جانە كرەاتيۆتى قابىلەتتەرىن دامىتۋعا جەكە كاپيتال دا ءوز ۇلەسىن قوسادى. قالا اكىمى مەسەناتتاردىڭ قولداۋىمەن رەجيسسەر قۋانىش بەيسەكەيەۆ نەگىزىن قالاعان Sham School مەكتەبىنە باردى. مەكتەپ 180 ورىنعا ارنالعان. بۇگىندە مۇندا 7-11 سىنىپتار ارالىعىندا 115 بالا وقيدى. ولاردىڭ جارتىسىنا گرانتتار بەرىلەدى، كەلەسى جىلى بارلىق بالالاردى گرانتتىق وقىتۋمەن قامتاماسىز ەتۋ جوسپارلانۋدا.
ەربولات دوسايەۆقا قاراپايىم مەكتەپتەن باستى ايىرماشىلىعى قازىرگى ۋاقىتتا سۇرانىسقا يە ماماندىقتار بويىنشا قوسىمشا ساباقتاردىڭ وقىلاتىندىعى ايتىلدى. مۇندا ولار ۆيدەوگرافيا، فوتو، انيماسيا، مونتاج جانە سۋرەت سالۋدى ۇيرەتەدى – ءقازىر جاسوسپىرىمدەر ۆيرتۋالدى الەمدە ءومىر سۇرەدى. FPV دروندارىن باسقارۋدى ۇيرەتەدى، بۇل بالالارعا كليپتەر مەن فيلمدەر ءۇشىن اسەرلى كادرلار تۇسىرۋگە مۇمكىندىك بەرەدى.
وقۋشىلاردىڭ وزدەرى بولىسكەندەي، كرەاتيۆتى وقىتۋ فورماتى جاعىمدى، شىعارماشىلىق اتموسفەرادا ولارعا وتە ۇنايدى، اسىرەسە ولار شەبەرلىك قۇپيالارىمەن بولىسەتىن جاس مۇعالىمدەردىڭ كۇش-جىگەرىن اتاپ ءوتتى.
قالا اكىمى بالالارعا تابىس تىلەپ، مۇندا العان بىلىمدەر تاجىريبەدە قولدانىلاتىنىن جانە بولاشاقتا ولارعا پايدالى بولاتىنىن ايتتى. ال مەكتەپ باسشىلىعىنا ەربولات دوسايەۆ قولداۋ ءبىلدىرىپ، كرەاتيۆتى يندۋستريالار سالاسىنداعى وسىنداي باستاماشىل جوبالار قالاعا قاجەت ەكەنىن اتاپ ءوتتى.
جالپى، الماتىدا قوسىمشا بىلىممەن 300 مىڭنان استام بالا قامتىلعان. ونىڭ ىشىندە 19 مەملەكەتتىك ءبىلىم بەرۋ ۇيىمدارىندا 28680 بالا، 102 جەكەمەنشىكتە مەملەكەتتىك ءبىلىم بەرۋ تاپسىرىسى بويىنشا – 7570، مەكتەپتەردە – 112851، «دامۋ بالا» باعدارلاماسى بويىنشا – 90988، اقىلى نەگىزدە – 62 مىڭعا جۋىق بالا اينالىسادى.
اعىمداعى جىلى قولايلى جاعداي جاساۋ ءۇشىن قالا بيۋدجەتى ەسەبىنەن الاتاۋ، بوستاندىق جانە تۇركسىب اۋداندارىندا جالپى سىيىمدىلىعى 2810 ورىندىق 3 شىعارماشىلىق دامۋ ورتالىعى سالىنۋدا. جەتىسۋ اۋدانىندا تاعى 500 ورىندىق قۇرىلىس سالۋ جوسپارلانۋدا. سونىمەن قاتار، الەۋمەتتىك جاۋاپكەرشىلىك اياسىندا جەكە كومپانيانىڭ ءوز قاراجاتى ءۇشىن المالى اۋدانىندا 3500 ورىندىق وقۋشىلار ءۇيى سالىنۋدا.