الماتىدا وتكەن بۇل فورۋم حالىقارالىق ساۋدا جانە ەكونوميكالىق ىنتىماقتاستىق سالاسىنىڭ بولاشاعى مەن جاڭا ترەندتەردى تالقىلاۋعا نيەت بىلدىرگەن ساۋدا جانە لوگيستيكا سالاسىنداعى جەتەكشى بيزنەس وكىلدەرىنىڭ، سونداي-اق قارجى ۇيىمدارىنىڭ، مەملەكەتتىك ورگاندار وكىلدەرىنىڭ باسىن قوستى.
ءىس-شارا كونسالتينگتىك جانە ساۋدا كومپانيالارىنىڭ قاۋىمداستىعى، الماتى قالاسىنىڭ «اتامەكەن» كاسىپكەرلەر پالاتاسى، قازاقستاننىڭ سىرتقى ساۋدا پالاتاسى، Consulting Group DASCO ۇيىمداستىرۋىمەن ءوتتى. TRADEX 2024 فورۋمى – قازاقستاننىڭ ورتالىق ازيانىڭ نەگىزگى ساۋدا حابى، ەۋروپا مەن ازيا اراسىنداعى كوپىرى رەتىندەگى ۇستانىمىن نىعايتۋدىڭ جارقىن كورىنىسى. الماتى قالاسى ەلىمىزدىڭ ءىرى قارجى-ەكونوميكالىق، كولىكتىك جانە ساۋدا ورتالىعى رەتىندە ىسكەرلىك بايلانىس ورناتۋعا، حالىقارالىق ساۋدانىڭ وزەكتى ماسەلەلەرىن تالقىلاۋعا كومەكتەسەتىن وسى سىندى فورۋمداردى وتكىزۋدە ەڭ ىڭعايلى الاڭ ەكەنى راس. ۇلتتىق ەكونوميكا مينيسترلىگى قوعامدىق كەڭەسىنىڭ ءتوراعاسى دارمەن ءسادۋاقاسوۆ ساۋدانى ەل ەكونوميكاسىنىڭ ەڭ ءىرى سەكتورى دەپ اتادى.
«قازاقستاندا ساۋدا سالاسىندا 818 مىڭ سۋبەكت جۇمىلدىرىلدى. بۇل بۇكىل وتاندىق بيزنەستىڭ شامامەن 35 %-ىن قۇرايدى. تيىسىنشە، ساۋدا سالاسى ەڭ كوپ جۇمىس ورىندارىن قامتيدى. 2024 جىلدىڭ III توقسانىندا شىعارىلعان ساراپتاماعا ساي، 1،5 جارىم ميلليوننان استام ادام وسى سالادا تابىس تابۋدا. بۇل كورسەتكىش – ەڭبەك نارىعىنىڭ 16،7 %-ى»، – دەپ اتاپ ايتتى مينيسترلىكتىڭ قوعامدىق كەڭەس ءتوراعاسى د. ءسادۋاقاسوۆ
سوڭعى جىلدارى ەرەكشە سەرپىنگە سىرتقى ساۋدا يە بولدى. قحر باس كونسۋلى سزيان ۆەي اتاپ وتكەندەي، وتكەن جىلى جۇڭگو مەن ورتالىق ازيانىڭ بەس ەلىنىڭ اراسىنداعى تاۋار اينالىمى 90 ملرد. امەريكان دوللارىن قۇرادى. بۇل رەتتە سول سومانىڭ جارتىسى – قازاقستانعا تيەسىلى.
«اتامەكەن» پالاتاسى ەكىنشى جىل قاتارىنان Central Asian Trade Expo فورۋمىنىڭ ۇيىمداستىرۋشىلارى قاتارىندا. بۇل – ءبىزدىڭ حالىقارالىق ارەنادا الماتى مەن قازاقستان كاسىپكەرلەرىنىڭ مۇددەسىن قولداۋعا، ىلگەرىلەتۋگە قوسقان ۇلەسىمىز. ءبىز كاسىپكەرلەرگە جاڭا نارىققا شىعۋعا، سەرىكتەس تابۋعا، كەلىسىمشارتقا قول قويۋعا كومەكتەسۋ ءۇشىن بيزنەس-قوعامداستىقپەن بەلسەندى جۇمىس ىستەيمىز. TRADEX فورۋمىندا ءبىز وڭىردەگى بيزنەستى دامىت مەن بيزنەس-ورتانى جاقسارتۋعا باعىتتالعان ءبىرقاتار باستاما ۇسىندىق»، – دەپ اتاپ ءوتتى الماتى قالاسىنىڭ «اتامەكەن» وكپ ديرەكتورىنىڭ شاعىن كاسىپكەرلىك جانە حالىقارالىق ىنتىماقتاستىقتى دامىتۋ جونىندەگى ورىنباسارى اقەركىن ەرالييەۆا.