Air Astana اۋە كومپانياسى يراننىڭ اۋە كەڭىستىگىن اينالىپ ۇشۋعا كوشكەنىن مالىمدەدى، دەپ حابارلايدى اqshamnews.kz ءتىلشىسى.
اۆياكومپانيانىڭ باسپا ءسوز قىزمەتىنىڭ اقپاراتىنشا، شارم-ەل-شەيح، دۋباي، دوحا جانە مەدينا باعىتتارىنداعى رەيستەر ەندى يران اۋماعىن اينالىپ وتەتىن مارشرۋتپەن ورىندالادى.
كومپانيا بۇل شەشىمگە بايلانىستى رەيستەردىڭ ورىندالۋ ءتارتىبى قايتا قارالعانىن اتاپ ءوتتى.
ەسكە سالايىق، بۇعان دەيىن يراندا ۇلتتىق ۆاليۋتا قۇلدىراپ، جاپپاي نارازىلىقتار باستالعانى، سونداي-اق نارازىلىق اكسيالارىنىڭ سوڭى تارتىپسىزدىك پەن توناۋعا ۇلاسقانى تۋرالى جازعان ەدىك. اقش پرەزيدەنتى دونالد ترامپ يراننىڭ قاۋىپسىزدىك كۇشتەرى نارازىلىق بىلدىرۋشىلەرگە وق اتقان جاعدايدا، ولارعا كومەك كورسەتۋگە دايىن ەكەنىن مالىمدەدى. وسى مالىمدەمەدەن كەيىن يران وزدەرىنە شابۋىل جاسالسا يزرايل مەن اقش بازالارىنا سوققى بەرەتىنىن ەسكەرتتى.