جەتىسۋ وبلىسىندا پوليسەيلەر ەگدە جاستاعى تۇرعىندى الاياقتاردىڭ ارباۋىنان دەر كەزىندە قۇتقارىپ قالدى، دەپ حابارلايدى اqshamnews.kz ءتىلشىسى Polisia.kz-كە سىلتەمە جاساپ.
وقيعا وبلىستاعى ساۋدا ورتالىقتارىنىڭ بىرىندە بولعان. پوليسيا قىزمەتكەرلەرى تەلەفونمەن ابىرجىپ سويلەسىپ تۇرعان زەينەتكەر ايەلدىڭ مىنەز-قۇلقىنا كۇماندانىپ، جانىنا جاقىنداعان. تەكسەرۋ بارىسىندا بەلگىسىز بىرەۋلەر وعان قوڭىراۋ شالىپ، "تەكسەرۋ جۇرگىزەمىز" دەگەن سىلتاۋمەن SMS ارقىلى كەلگەن كودتاردى ايتۋدى تالاپ ەتكەنى انىقتالدى.
الاياقتار ايەلدىڭ اتىنا 5 ميلليون تەڭگە نەسيە راسىمدەۋگە ارەكەتتەنگەن. الايدا بانك تەك 2 ميلليون تەڭگەنى ماقۇلداعان. سول اقشانى زەينەتكەر الاياقتارعا اۋدارماق بولعان ساتتە پوليسەيلەر ارالاسىپ، جاعدايدى توقتاتقان.
ءتارتىپ ساقشىلارى قوڭىراۋ شالىپ تۇرعان اداممەن بايلانىسقا شىققاندا، ول ءوزىن اسەل دەپ تانىستىرىپ، ايەلدىڭ قىزى ەكەنىن ايتقانىمەن، اناسىنىڭ ءاتى-جونى مەن تەگىن ءدال اتاي الماعان. بۇل الاياقتىق ارەكەتتىڭ بارىن ايقىنداي تۇسكەن.
پوليسيانىڭ قىراعىلىعىنىڭ ارقاسىندا 2 ميلليون تەڭگە كولەمىندەگى شىعىننىڭ الدىن الدى. زەينەتكەرگە ءتۇسىندىرۋ جۇمىستارى جۇرگىزىلىپ، الاياقتاردىڭ كەڭ تاراعان تاسىلدەرى ايتىلعان.
پوليسيا ازاماتتاردى ساق بولۋعا شاقىرىپ، بانك نەمەسە مەملەكەتتىك ورگان قىزمەتكەرلەرى تەلەفون ارقىلى SMS-كود سۇرامايتىنىن جانە اقشا اۋدارۋدى تالاپ ەتپەيتىنىن ەسكەرتەدى.