اپتاپ ىستىق ادامزات ءۇشىن قالىپتى جاعدايعا اينالىپ بارادى.
بۇۇ-نىڭ وكىلدەرى وسىلاي دەپ وتبولجاپ وتىر، دەپ حابارلايدى Almaty-akshamy.kz 24.kz-كە سىلتەمە جاساپ.
ايتۋلارىنشا، كەلەشەكتە جىلدان جىلعا جاڭا تەمپەراتۋرالىق رەكوردتار تىركەلىپ وتىرادى. وعان كليماتتىڭ وزگەرۋى سەبەپ. بۇل رەتتە ماماندار 2023 جىل ادامزات تاريحىنداعى ەڭ ىستىق جىل بولۋى مۇمكىن ەكەنىن ەسكەرتەدى. بيىلعى جاز – ادامزات تاريحىنداعى ەڭ ىستىق جاز بولىپ تىركەلدى. ماماندار بۇل ءۇش اي عانا ەمەس، 2023 جىلدىڭ ءوزى دە ەڭ ىستىق جىل بولۋى مۇمكىن دەيدى. بۇعان دەيىنگى رەكورد 2016 جىلى تىركەلگەن. سول كورسەتىشتەرگە جەتۋگە از-اق قالدى. بيىل كوپ ەلدە رەكوردتىق تەمپەراتۋرا تىركەلدى. وسىمەن ءۇش اي قاتارىنان تەڭىز بەتىنىڭ جاھاندىق تەمپەراتۋراسى جوعارى دەڭگەيدەن تۇسپەي تۇر. مۇزدىقتار دا جىلدام ەرىپ بارادى. مۇحيت سۋىنىڭ تەمپەراتۋراسى دا بۇرىن-سوڭدى بولماعان كورسەتىشكە جەتكەن.
«بيىل ەڭ ىستىق ماۋسىم، سوسىن شىلدە، سوسىن ەڭ ىستىق تامىز تىركەلدى. سونىڭ سالدارىنان كوپ ەلدە قۋاڭشىلىق پەن ورمان ءورتى كوپ بولدى. وكىنىشكە قاراي، بولاشاقتا مۇنداي جاعدايلار ءجيى قايتالانا بەرەتىنىن بولجاپ وتىرمىز»، - دەيدى كليماتولوگ حاننا كلوۋك.
جاھاندىق جىلىنۋ ەڭ الدىمەن ەۋروپادا قاتتى بايقالىپ وتىر. ءقازىر مۇنداعى ورتاشا تەمپەراتۋرا يندۋستريالدى داۋىرگە دەيىنگى دەڭگەيدەن 2،2 گرادۋسقا جوعارى. اسىرەسە يتالياداعى احۋال الاڭداتارلىق. مۇندا وسىمەن 38 جىل قاتارىنان تەمپەراتۋرا كوتەرىلىپ كەلەدى. مالتا، فرانسيا، فينليانديا، شۆەيساريا، ۆەنگريا مەن كيپردە دە ۇقساس جاعداي. ۇلىبريتانيادا جازدى ايتپاعاندا، كۇزدىڭ وزىندە اپتاپ ىستىق باسىلماي تۇر. 9 قىركۇيەك – 2023 جىلدىڭ ەڭ ىستىق كۇنى بولىپ تىركەلدى. ول كەزدە سىناپ باعاناسى 33 گرادۋستان اسىپ كەتكەن.
«ۇلىبريتانيادا قىركۇيەكتە التى كۇن قاتارىنان تەمپەراتۋرا 30 گرادۋستان تۇسپەي قويدى. ول كۇزدىڭ بۇل ۋاقىتى ءۇشىن قالىپتى جاعداي دەۋگە كەلمەيدى. مەتەوباقىلاۋ 1880 جىلدان بەرى جۇرگىزىلىپ كەلەدى. رەكورتىق تەمپەراتۋرالار 21-عاسىردا تىركەلىپ جاتىر»، - دەيدى مەتەورولوگ كلەر ناسير.
ەۋروپادا بىلتىر دا ىستىق بولعان. سادارىنان 16 مىڭ ادام كوز جۇمدى. ال كەلىتىرلگەن ماتەريالدىق شىعىن 2 ميلليارد دوللاردان اسىپ كەتتى. اپتاپ ىستىق كارى قۇرلىق قانا ەمەس، سوتۇستىك امەريكا مەن ازيا ەلدەرىنىڭ تۇرعىندارىن دا الەككە سالدى. ورمان ءورتى جيىلەپ كەتتى. قۋاڭشىلىققا بايلانىستى كوپ ەلدە سۋدى تۇتىنۋ شەكتەلدى. جاھاندىق جىلىنۋمەن كۇرەستە الەم ەلدەرى قازبالى وتىننان بىرتىندەپ باس تارتىپ، بالامالى ەنەرگيا كوزدەرىنە كوشۋدە. ءبىراق ءقازىر الەمدە ەنەرگەتيكالىق داعدارىس ءورشىپ تۇر. ساراپشىلار بۇل كليماتتىڭ وزگەرۋىمەن كۇرەس شارالارىن تەجەپ وتىرعانىن ايتادى.