ليۆيادا بولعان سۋ تاسقىنى قۇرباندارىنىڭ سانى كوبەيۋدە

بيلىك وكىلدەرى توتەنشە جاعداي جاريالادى

ەپيسەنترى دەرنا قالاسىندا بولعان تاسقىن سالدارىنان 11 مىڭ ادام قازا تاۋىپ، 20 مىڭ تۇرعىن ءىز-تۇزسىز جوعالىپ كەتكەن. بۇل تۋرالى Almaty-akshamy.kz ربك Al-Hadath-قا سىلتەمە جاساپ حابارلايدى. 

ليۆياداعى حالىقارالىق قىزىل كرەست كوميتەتى ازاماتتار مەن قۇتقارۋشىلاردى اباي بولۋعا شاقىردى.

«دەرنا – سوعىستان قالعان جارىلۋى مۇمكىن قالدىقتارمەن لاستانعان قالا ەكەنى بەلگىلى»، - دەلىنگەن حابارلامادا.

سۋ تاسقىنى سالدارىنان ءوق-دارى مەن مينا قالدىقتارى بۇرىنعى ورنىنان قالاعا شاشىلعان بولۋى مۇمكىن، دەپ ەسكەرتتى ۇيىم.

10 قىركۇيەكتە ليۆيانىڭ شىعىسىنا «دانيەل» داۋىلى ءتوندى. ول جاعالاۋداعى بەنگازي، دەرنا جانە دجابال ءال-احدار قالالارىنا زاقىم كەلتىردى. ليۆيا بيلىگى كيرەنايكا شىعىس پروۆينسياسىنداعى ءۇش اۋداندى اپات ايماعى دەپ جاريالادى.

داۋىل سالدارىنان دەرنانى قورشاپ تۇرعان ەكى پلوتينا جارىلىپ، سۋ تاسىدى. سۋ ادام تۇراتىن كۆارتالداردى شايىپ، ليۆيانىڭ شىعىس بولىگىندەگى جاعالاۋ ماڭىنداعى ۇيلەردى قيراتتى. بيلىك وكىلدەرى توتەنشە جاعداي جاريالادى. مەكتەپ پەن دۇكەندەر جابىلىپ، كومەندانتتىق ساعات ەنگىزىلدى. بۇۇ ۇيىمى جەرگىلىكتى جانە ۇلتتىق دەڭگەيدە جەدەل كومەك كورسەتۋگە ۋادە بەردى.