ايگىلى ءانشى دجەننيفەر لوپەستىڭ ۆوكاليسى شەرون يانگبلاد پاراقشاسىندا قازاقستان جايلى اسەرىن ءالى دە ءبولىسىپ جاتىر. بۇل جولى ول ەلدەن اكەلگەن قازاقستاندىق شوكولادتى اقش-تاعى تۋىستارىنا ۇلەستىرگەنىن ايتتى، دەپ حابارلايدى Aqshamnews.kz ءتىلشىسى.
شەرون گاسترولدىك ساپار كەزىندە الماتىعا كەلىپ، العاش رەت جەرگىلىكتى تاتتىلەردى جەپ كورگەنىن، جانكۇيەرلەر وعان قوراپ-قوراپ شوكولاد سىيلاعانىن جەتكىزدى.
"مەنى كوپتەن بەرى باقىلايتىندار بىلەدى: قازاقستان حالقىمەن ارادا ەرەكشە جاقىندىق قالىپتاستى. ەلگە دە، ادامدارعا دا عاشىق بولدىم. سول سەبەپتى سول جاقتان العان سىيلىقتارىمدى بولىسكىم كەلدى. قازاقستاندىق قارا شوكولاد – ومىرىمدە جەپ كورگەن ەڭ ۇزدىك تاتتىلەردىڭ ءبىرى"، – دەدى يانگبلاد.
جاريالانعان ۆيدەودا ونىڭ تۋىستارى قازاقستاندىق شوكولادتىڭ ءدامىن تاتىپ كورىپ، جوعارى باعا بەردى.
"تاڭعاجايىپ! ءبىزدىڭ شوكولادقا مۇلدە ۇقسامايدى، مۇلدەم بولەك. بۇل – مەن جەپ كورگەن ەڭ كەرەمەت قارا شوكولاد"، – دەيدى ۆوكاليستىڭ تۋىسى.
باسقالارى دا "بۇعان دەيىن مۇنداي ءدامدى شوكولاد جەپ كورمەگەنىن»، "ەڭ ۇناتقان تاتتىلەرىنىڭ بىرىنە اينالعانىن" ايتتى.
ەسكە سالايىق، بۇعان دەيىن شەرون الماتىعا كەلگەندە قازاقستاندىق شوكولادتتى قاتتى ۇناتىپ قالعانىن ايتىپ، كەيىن قوناق ءۇي قىزمەتكەرلەرى ونىڭ نومىرىنە وتاندىق وندىرۋشىدەن كەلگەن تاتتىلەردىڭ قوماقتى قورىن جەتكىزىپ بەرگەن ەدى.