اباي وبلىسىندا «تازا قازاقستان» رەسپۋبليكالىق اكسياسى اياسىندا قوعامدىق جانە ەكولوگيالىق ءتارتىپتى قامتاماسىز ەتۋ جۇمىستارى جۇرگىزىلۋدە.
پوليسيا قىزمەتكەرلەرى جىلدىڭ باسىنان بەرى 7 818 قۇقىق بۇزۋشىلىقتى انىقتادى. ونىڭ ىشىندە 2 492 جاعداي – ورتاق قولدانىستاعى ورىنداردى لاستاۋمەن، 5 326 دەرەك – قالالار مەن ەلدى مەكەندەردىڭ اۋماقتارىن اباتتاندىرۋ ەرەجەلەرىن بۇزۋمەن، جاسىل جەلەكتەردى بۇلدىرۋمەن بايلانىستى.
بارلىق زاڭبۇزۋشىلىقتار بويىنشا ءتيىستى شارالار قابىلدانىپ، كىنالىلەر جاۋاپكەرشىلىككە تارتىلدى. سونىمەن بىرگە، پوليسيا پروفيلاكتيكالىق جۇمىستاردى كۇشەيتىپ، تۇرعىندار اراسىندا ءتۇسىندىرۋ شارالارىن جۇرگىزۋدە. جەرگىلىكتى اتقارۋشى ورگاندار، قوعامدىق ۇيىمدار مەن ەرىكتىلەرمەن بىرلەسىپ، كەزدەسۋلەر، سەنبىلىكتەر جانە اقپاراتتىق اكسيالار ۇيىمداستىرىلۋدا.
«تازا قازاقستان» – تەك ەكولوگيالىق باستاما ەمەس، ءاربىر ازاماتتىڭ ساناسىندا تابيعاتتى قورعاۋ مەن تارتىپكە جاۋاپكەرشىلىك سەزىمىن قالىپتاستىرۋعا باعىتتالعان قادام.