ەلوردا كورەرمەندەرىنە «دومالاق انا» وپەراسى تارتۋ ەتىلدى

«دومالاق انا» وپەراسى ونەرسۇيەر قاۋىمنىڭ ىستىق ىقىلاسىنا بولەندى

شىمكەنت قالالىق وپەرا جانە بالەت تەاترى اتى اڭىزعا اينالعان اۋليە انا – دومالاق اناعا ارنالعان وپەرانى نۇر-سۇلتان قالاسىنىڭ كورەرمەندەرىنە تارتۋ ەتتى، دەپ حابارلايدى Almaty-akshamy.kz.

قازاقستان تاۋەلسىزدىگىنىڭ 30 جىلدىعىنا وراي شىمكەنت قالالىق وپەرا جانە بالەت تەاترى تاۋەلسىز قازاقستان جىلدارىندا جازىلعان ەكىنشى وپەرا – ت.جارمۇقامەتتىڭ «دومالاق انا» وپەراسى كوپشىلىك ونەرسۇيەر قاۋىمنىڭ ىستىق ىقىلاسىنا بولەندى.

جاڭا وپەرانى ساحنالاۋعا الەمگە ايگىلى جانە ەلىمىزگە تانىمال ونەر مايتالماندارى جۇمىلدىرىلدى. وپەرادا جالپى سانى 150-دەن استام ءارتىس ءرول سومدايدى.

يدەيا اۆتورى – ق ر ەڭبەك سىڭىرگەن ءارتىسى، مەملەكەتتىك سىيلىقتىڭ لاۋرەاتى مايرا مۇحامەد قىزى، قويىلىمنىڭ كومپوزيتورى ق ر مادەنيەت سالاسىنىڭ ۇزدىگى، حالىقارالىق بايقاۋلاردىڭ لاۋرەاتى تاسقىن جارمۇقامەت. ليبرەتتوسىن جازعان ق ر ەڭبەك سىڭىرگەن قايراتكەرى اسحات ماەميروۆ. قويۋشى-رەجيسسەر – ميحايل پاندجاۆيدزە، قويۋشى-ديريجەر – ءمادي ءومىرزاقوۆ، قويۋشى-سۋرەتشى – باقىت كۇزەمبايەۆ، كوستيۋم بويىنشا سۋرەتشى – سابيرا داۋلەتالييەۆا، قويۋشى-بالەتمەيستەر – ابدۋراسۋل ەسەكەيەۆ، ريتا حايرۋشيەۆا، قويۋشى-حورمەيستەر – باعلان التايەۆ، كوركەمدىك جەتەكشى – ماديحان دۋيسەيەۆ.

شىمكەنت قالالىق وپەرا جانە بالەت تەاترىنىڭ العاشقى گاسترولدىك ساپارى شىمكەنت جانە نۇر-سۇلتان قالالارى اكىمدىكتەرىنىڭ تاراپىنان قولداۋ تاپتى.