زووقورعاۋشىلار الماتى قالاسى اكىمدىگىنىڭ پاناسىز جانۋارلار سانىن گۋمانيستىك رەتتەۋ جونىندەگى باستامالارىن قولدايدى
الماتىدا العاش رەت قالاداعى جانۋارلار پانالايتىن ورىنداردى قولداۋ شارالارى قاراستىرىلعان. بۇل تۋرالى وڭىرلىك كوممۋنيكاسيالار قىزمەتىنىڭ بريفينگى كەزىندە الماتى كاسىپكەرلىك جانە ينۆەستيسيالار باسقارماسىنىڭ ۆەتەريناريا ءبولىمىنىڭ باسشىسى ايگەرىم جاقسىلىق پەن «Kare-زابوتا» قوعامدىق قورىنىڭ پرەزيدەنتى يۋليا كوۆالەنكو ايتتى، دەپ حابارلايدى almaty-akshamy.kz
ايگەرىم جاقسىلىق 2021 جىلدىڭ باسىنان بەرى قالالىق ۆەتەرينارلىق قىزمەت اسىراپ الۋ باعدارلاماسى بويىنشا 180 مىسىق پانالايتىن ورىنداردى تابۋعا كومەكتەسكەنىن ايتتى. ولار ءتيىستى ورىندارعا جەتكىزىلدى جانە بۇل ىسكە نەمكەتتى قارامايتىن قالا تۇرعىندارى ءوز قامقورلىقتارىنا الدى.
«بۇگىندە 250-گە جۋىق مىسىق، سونىڭ ىشىندە «اپورت» ساۋدا ورتالىعىنىڭ جانىنداعى «قوراپشالاردى» پانالاعان مىسىقتار قالاداعى جەكە ورىندارعا اپارىلدى»، - دەدى ايگەرىم جاقسىلىق.
بريفينگ بارىسىندا پانالايتىن ورىندارعا قولداۋ كورسەتۋ بويىنشا پيلوتتىق جوبا اياسىندا جانۋار قورەگىنە قاراجات قاراستىرىلاتىنى بەلگىلى بولدى.
«Kare-زابوتا» قوعامدىق قورىنىڭ پرەزيدەنتى يۋليا كوۆالەنكو جەرگىلىكتى اتقارۋشى ورگاندار تاراپىنان ءۇيسىز جانۋارلارعا نازار اۋدارىلعانىنا قۋانىشتى. قور باسشىسى ولاردىڭ جانۋارلاردى قورعاۋ ۇيىمى 2008 جىلدان بەرى ەرىكتى تۇردە جۇمىس ىستەيتىنىن ايتتى. ونىڭ پىكىرىنشە، ءۇي جانۋارلارى ەرەكشە نازار اۋدارۋدى قاجەت ەتەدى جانە ولاردىڭ جۇيەلى ماسەلەلەرىن شەشۋ ءۇشىن اكىمدىكتىڭ قولداۋى قاجەت.
«قاڭعىباس جانۋارلار سانىنىڭ ءوسۋىنىڭ باستى سەبەبى – ادام. ءارتۇرلى زەرتتەۋلەرگە سايكەس، قاڭعىباس جانۋارلاردىڭ 85%-ى بۇرىنعى ءۇي جانۋارلارى، ولاردى يەلەرى قۋىپ جىبەرگەن نەمەسە جوعالتقان»، - دەدى يۋليا كوۆالەنكو.
قالاداعى ءۇي جانۋارلارىنىڭ جالپى سانى ءالى انىقتالعان جوق. 2011 جىلعا دەيىن «KARE-زابوتا» قق جىل سايىن WSPA (جانۋارلاردى قورعاۋ جونىندەگى دۇنيەجۇزىلىك قوعامى) ءادىسى بويىنشا پوپۋلياسيا ديناميكاسىن باقىلاۋ ءۇشىن قاڭعىباس جانۋارلاردى ساناۋدى جۇرگىزدى. ءۇش جىل بويى جۇرگىزىلگەن باقىلاۋ ولشەۋلەرىندە كوشەدەگى جانۋارلار سانى وزگەرگەن جوق جانە 16 500-17 300 ادام ارالىعىندا اۋىتقىپ وتىردى. جانۋارلار قۇقىعىن قورعاۋشىلار بۇل تاجىريبەنى قايتا جاڭعىرتپاق.
«ۇستاۋ مەن جويۋ كوپتەگەن جىلدار بويى قاڭعىباس جانۋارلاردىڭ سانىن رەتتەۋدىڭ جالعىز ءادىسى بولا وتىرىپ، ونىڭ تيىمسىزدىگىن كورسەتەدى»، - دەپ ەسەپتەيدى يۋليا كوۆالەنكو.
زووقورعاۋشى اكىمدىك ۇسىنعان الماتى قالاسى ءۇشىن جانۋارلار سانىن گۋمانيستىك رەتتەۋ باعدارلاماسى مەن باسقا دا ءبىرقاتار قولداۋ شارالارى ءبىرقاتار الەۋمەتتىك ماڭىزدى ماسەلەلەردى شەشەتىنىن اتاپ ءوتتى.