ىشكى ىستەر ءمينيسترى مارات احمەتجانوۆ جول قاۋىپسىزدىگى ماسەلەلەرى جونىندەگى ۇكىمەت وتىرىسى بارىسىندا ايىپتۇراقتار جونىندە ايتتى.
ول مامانداندىرىلعان تۇراقتاردى جابدىقتاۋ ماسەلەلەرىن شەشۋدى تالاپ ەتەتىنىن اتاپ ءوتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
بۇگىنگى تاڭدا ءبىرقاتار اكىمشىلىك قۇقىقبۇزۋشىلىقتار اۆتوكولىكتى تاركىلەۋدى كوزدەيدى (ونىڭ ىشىندە ماس كۇيىندە، جالعان مەملەكەتتىك نومىرلەرمەن جانە ت.ب. باسقارۋ ءۇشىن). الايدا ايماقتاردا ايىپتۇراقتار جەتىسپەيدى.
«ارنايى ايىپ تۇراقتارىن اشۋ ماسەلەسىن شەشۋ قاجەت. ەلىمىزدىڭ كوپتەگەن ايماعىندا ايىپ تۇراقتارى جەتكىلىكسىز. مىسالى، ەلوردادا ەكى-اق كوممۋنالدىق تۇراق بار. ونىڭ ەكەۋى دە تولىپ تۇر. ال اقتوبە مەن اتىراۋدا ايىپ تۇراقتارى بىر-بىردەن عانا بار. قاراعاندىدا مۇلدەم جوق. سول سەبەپتى تاركىلەنگەن اۆتوكولىكتەر پوليسيا بولىمدەرىندە تۇر»، – دەدى مينيستر.